130 ýyllyk taryhy bolan ki­no sun­ga­tyn­da her ýyl bol­şy ýa­ly, 2026-njy ýyl­da-da en­çe­me film­ler ek­ran­lar­a çykar. Edil geçen ýyl­lar­daky ýa­ly, ýe­ne-de ozal­ky ek­ran eser­le­riň do­wa­my bo­lan ki­no­lar, ede­bi­ýat eser­le­ri esa­syn­da su­ra­ta dü­şü­ri­len­ler, meş­hur re­žiss­ýor­la­ryň tä­ze tas­la­ma­la­ry, ani­ma­si­ýa­lar, ede­bi eser­le­re esas­lan­ma­ýan sse­na­ri­le­re sal­gy­la­ny­lan­lar, gaý­ta­dan ek­ran­laş­dy­ry­lan­lar we ş.m. gör­nüş­dä­ki film­ler 2026-njy ýylda ki­no­teatr­la­ryň, şol san­da plat­for­ma­la­ryň tek­je­le­ri­ni be­zär. Bi­ler­men­le­riň pi­ki­ri­ne gö­rä, 2025-nji ýyl­da ju­da şow­ly film­ler çyk­dy. 2026-njy ýy­lda çykjak filmler geçen ýylkylardan hem has go­wy bo­lar di­ýip, ta­ma ed­ýän­le­riň sa­ny köp. Tä­ze ýyl­da, esa­san hem, fan­tas­tik we yl­my-fan­tas­tik gör­nüş­dä­ki film­ler öňe saý­lan­ýar. Kä­bir meş­hur re­žiss­ýor­la­ryň film­le­ri­niň bir ýy­la ga­bat gel­me­gi-de ki­no muş­dak­la­ry­ny şu wagt­dan tol­gun­dyr­ýar. Şeý­le-de, ýy­lyň iň köp ga­ra­şyl­ýan 5-6 fil­mi­niň iki­si­niň bir gün­de pro­ka­ta çyk­ma­gy tä­ze aýt­gy dö­ret­di. Ýag­ny ýy­lyň ahy­ryn­da, hem­mä­niň sa­byr­syz­lyk bi­len ga­raş­ýan «Aven­gers: Dooms­day» fil­mi bilen «Du­ne: Part Three» fil­mi­niň bir gün­de, has ta­ky­gy, 18-nji de­kabr­da ki­no­teatr­la­ra goý­be­ril­jekdigi «Du­nes­day» di­ýen sö­züň dö­re­me­gi­ne se­bäp bol­dy.
Mun­dan öň 2023-nji ýyl­da «Op­pen­hei­mer» bilen «Bar­bie» ki­no­la­ry­nyň bir gün­de ek­ran­la­ra çyk­ma­gyn­dan soň «Bar­ben­hei­mer» di­ýen söz dö­räp­di. Iki film hem pro­kat­lar­dan ep-es­li gir­de­ji top­lap­dy.
«Du­nes­day» adalgasynyň hem iki fil­me-de, esa­san hem, «Aven­gers: Dooms­day» ki­no­sy­na pro­kat­lar­da has uly üs­tün­lik ge­tir­me­gi­ne ga­ra­şyl­ýar. Kä­bir çeş­me­ler­de «Du­ne: Part Three» fil­mi­niň ek­ran­la­ra çyk­jak gü­nü­niň üýt­ge­dil­me­gi­ne ga­ra­şyl­ýan­dy­gy hem bel­le­nil­ýär.

«28 Years La­ter: The Bo­ne Temp­le»
2002-nji ýyl­da us­sat re­žiss­ýor Den­ni Boýl ta­ra­pyn­dan «28 gün­den soň» fil­mi bi­len ba­şy baş­la­nan bu se­ri­ýa­nyň 4-nji we hä­zir­lik­çe iň soň­ky ki­no­sy­na Nia Da­Kos­ta re­žiss­ýor­lyk ed­ýär. Ýan­war aýyn­da gör­ke­zil­jek film­de baş keş­bi Raýf Faý­nes ýe­ri­ne ýe­tir­ýär.

«Wut­he­ring Heights»
Oza­lam te­lim ge­zek ek­ran­laş­dy­ry­lan Emi­li Bron­te­niň meş­hur ese­ri esa­syn­da­ky tä­ze film­de bu ge­zek ka­me­ra­nyň ar­ka­sy­na ze­nan re­žiss­ýor Eme­ral Fen­nell geç­ýär. Film­de hä­zir­ki za­ma­nyň meş­hur 2 ýyl­dy­zy – Mar­go Rob­bi bi­len Jeý­kob Elor­di baş keşp­le­ri ýe­ri­ne ýe­tir­ýär. «War­ner Bros.» stu­di­ýa­sy­nyň önü­mi bo­lan film 13-nji few­ral­da ek­ran­la­ra çy­kar.

«The Bri­de»
Aý­ra­ty­nam, ki­no­tan­kyt­çy­la­ryň sa­byr­syz­lyk bi­len ga­raş­ýan film­le­ri­niň bi­ri bo­lan «Ge­lin» ki­no­sy­na ta­ny­mal akt­ri­sa Meg­gi Jil­len­hol re­žiss­ýor­lyk edip, bu ek­ran ese­ri Fran­kenş­teýn te­ma­sy­na de­giş­li­dir. Meg­gi Jil­len­ho­lyň ikin­ji re­žiss­ýor­lyk işi bo­lan film­de Jes­si Bak­li, Kris­ti­an Beýl, Pi­ter Sars­gaard, Pe­ne­lo­pe Kruz, An­net­te Ben­ning hem-de re­žiss­ýo­ryň ji­gi­si Jeýk Jil­len­hol dür­li keşp­ler­de su­ra­ta düş­ýär. Film 6-njy mart­da pro­kat­la­ra goý­be­ri­ler.

«Pro­ject Ha­il Ma­ry»
Fil Lord bi­len Kris Mil­le­riň bi­le­lik­de re­žiss­ýor­lyk et­jek bu fil­min­de baş keşp­le­r Ra­ýan Gos­ling bi­len Sand­ra Hül­le­re tab­şy­ryl­dy. Yl­my-fan­tas­tik gör­nüş­dä­ki fil­miň ek­ran­la­ra çyk­jak wag­ty 20-nji mart diý­lip bel­le­nil­di.

«The Dra­ma»
Soň­ky ýyl­lar­da önüm­çi­li­gin­dä­ki film­ler bi­len öňe saý­lan­ýan «A24» stu­di­ýa­sy­nyň ga­ra­şyl­ýan tä­ze ki­no­sy «Dra­ma» diý­lip at­lan­dy­ryl­ýar. Kris­tof­fer Borg­li­niň re­žiss­ýor­ly­gyn­da­ky ki­no 3-nji ap­rel­de pro­kat­la­ra çy­kyp, on­da Zen­de­ýa bi­len Ro­bert Pat­tin­son baş keşp­le­ri jan­lan­dyr­ýar.

«Micha­el»
As­lyn­da, ge­çen ýyl ek­ran­la­ra çyk­ma­ly edi­len, ýö­ne kä­bir se­bäp­le­re gö­rä, şu ýy­la ge­çi­ri­len «Maýkl» fil­mi 24-nji ap­rel­de ki­no­teatr­lar­da gör­ke­zi­lip baş­la­nar. Po­puň şa­sy ha­sap­lan­ýan mer­hum Maýkl Jek­son ba­ra­da­ky fil­me us­sat re­žiss­ýor An­tu­an Fu­kua re­žiss­ýor­lyk ed­ýär we ek­ran ese­rin­de baş keş­bi Maýkl Jek­so­nyň ýe­ge­ni Jaa­far Jek­son ýe­ri­ne ýe­tir­ýär.

«The Devil Wears Pra­da 2»
Il­kin­ji­sin­den 20 ýyl soň ek­ran­la­ra çyk­jak «Şeý­tan Pra­da geý­ýär 2» fil­mi ki­no muş­dak­la­ry­ny tol­gun­dyr­ýan eser­le­riň bi­ri bo­lup, ol 1-nji maý­da pro­kat­lar­da or­nu­ny ta­par. Mo­da äle­mi­ne tä­ze­çe ga­ra­ýyş ge­ti­ren film­de ýe­ne-de Me­ril Strip, Enn He­te­weý, Emi­li Blant, Stan­li Tuk­ki, Ken­net Bra­na ýa­ly 1-nji ki­no­da-da çy­kyş eden ar­tist­ler esa­sy keşp­le­ri jan­lan­dyr­ýar. Fil­miň re­žiss­ýo­ry-da üýt­ge­me­di we De­wid Frankl ýe­ne-de ka­me­ra­nyň ar­ka ta­ra­py­na geç­ýär.

«The Man­da­lo­ri­an & Gro­gu»
Maý aýy­nyň 22-si­ne ek­ran­la­ra çyk­jak «Ýyl­dyz sö­weş­le­ri» äle­mi­ne de­giş­li «Man­da­lo­res we Gro­gu» se­ria­lyn­dan esas­la­ny­lyp taý­ýar­la­nan ady­bir fil­me Jon Faw­ro re­žiss­ýor­lyk edip, Ped­ro Pas­kal, Je­re­mi Al­len-Waýt, Si­gor­ni Wi­wer ýa­ly bel­li ar­tist­ler esa­sy keşp­le­ri jan­lan­dyr­ýar.

«Disclo­su­re Day»
Hä­zir­ki za­man ki­no sun­ga­ty­nyň ägirt re­žiss­ýor­la­ryn­dan Sti­wen Spil­ber­giň has ök­de ug­ry bo­lan yl­my-fan­tas­tik gö­rnüş­dä­ki tä­ze ki­no­sy «Disclo­su­re Day» diý­lip at­lan­dy­ryl­ýar. Re­žiss­ýor 12-nji iýun­da ki­no­teatr­la­ra ýaý­ra­dyl­jak fil­mi üçin esa­sy keşp­le­ri Emi­li Blant, Joş O’Kon­nor, Ko­lin Fört, Kol­man Do­min­go, Iý Hew­son da­ga ynan­dy.

«The Odys­sey»
Bel­ki-de, ýy­lyň iň köp ga­ra­şyl­ýan 1-nji ýa-da 2-nji ki­no­sy ha­sap­la­n­ýan «Odis­seý» fil­mi 17-nji iýul­da ek­ran­la­ra çy­kar. Go­me­riň meş­hur ese­ri esa­syn­da ek­ran­laş­dy­ryl­ýan fil­me Kris­to­fer No­lan re­žiss­ýor­lyk ed­ýär. «Univer­sal» stu­di­ýa­sy­nyň önü­mi bo­lan film­de Mett Deý­mon, Tom Hol­land, Enn He­te­weý, Ro­bert Pat­tin­son, Lu­pi­ta Nýong’o, Zen­de­ýa, Şar­liz Te­ron ýa­ly «Hol­ly­wo­od»-yň ta­ny­mal ýyl­dyz­la­ry esa­sy keşp­ler­de su­ra­ta düş­ýär. Pe­tek­le­ri­niň bel­li bir bö­le­gi ki­no­nyň ek­ran­la­ra çyk­jak gü­nün­den 1 ýyl öň sa­tu­wa çy­ka­ry­lan film tu­tuş­ly­gy­na IMAX ka­me­ra­la­ry bi­len su­ra­ta dü­şü­ri­len il­kin­ji iri tas­la­ma bo­lar.

«Su­per­girl»
Tom­suň jöw­za­ly gün­le­rin­de ki­no muş­dak­la­ry­na ser­gin­lik paý­la­jak film­le­riň ýe­ne bi­ri-de «DC Uni­ted» bi­len «War­ner Bros.»-uň bi­le­lik­dä­ki önü­mi bo­lan «Su­per­girl» ki­no­sy­dyr. DC äle­mi­niň öz­bo­luş­ly gah­ry­ma­ny­nyň so­lo gör­nüş­dä­ki il­kin­ji ki­no­sy­na Kreýg Žil­les­pi re­žiss­ýor­lyk ed­ýär. 26-njy iýun­da ek­ran­la­ra çyk­jak film­de baş keş­bi Mil­li Al­kok jan­lan­dyr­ýar. Şeý­le-de oňa Mat­ti­as Şoe­narts, Iw Rid­li, Jeý­son Ma­moa, Emi­li Bi­kam ýa­ly ar­tist­ler ýol­daş­lyk ed­ýär.

«Spi­der Man: Brand New Day»
To­mus pas­lyn­da ýe­ne bir su­per gah­ry­man fil­mi ek­ran­lar­da­ky or­nu­ny alar. «Colum­bia Pictu­res» bi­len «Marvel»-iň bi­le­lik­dä­ki önü­mi bo­lan «Möý adam: brend tä­ze gün» fil­mi 31-nji iýul­da pro­kat­la­ra ýaý­ra­dy­lar. Des­tin Da­ni­el Kret­to­nyň re­žiss­ýor­ly­gyn­daky film­de Tom Hol­land, Zen­de­ýa, Jeý­kob Ba­ta­lon, Jon Bern­tal, Mark Ruf­fa­lo ýa­ly ar­tist­ler su­ra­ta düş­ýär.

«Sen­se and Sen­si­bi­li­ty»
Meş­hur iň­lis ýa­zy­jy­sy Jeýn Os­te­niň dün­ýä bel­li ro­ma­ny esa­syn­da­ky ady­bir film 30 ýyl­dan soň tä­ze gör­nüş­de ek­ran­la­ra çyk­ýar. Ýaş ze­nan re­žiss­ýor ta­ra­pyn­dan su­ra­ta dü­şü­ril­ýän ki­no­da baş keşp­le­ri Deý­zi Ed­gar-Jons, Es­me Krid-Maýlz, Ka­it­rio­na Bal­fe jan­lan­dyr­ýar. Film 11-nji sent­ýabr­da ek­ran­la­ra paý­la­nar.

«Aven­gers: Dooms­day»
Soň­ky ýyl­lar­da­ky ki­no­la­ry bi­len öz muş­dak­la­ry­ny do­ly de­re­je­de ka­na­gat­lan­dyr­ma­ýan «Marvel» stu­di­ýa­sy­nyň «Aven­gers: Dooms­day» fil­mi ýy­lyň iň köp ga­ra­şyl­ýan ek­ran ese­ri ha­sap­lan­ýar. Do­gan­lar An­to­ni we Jou Rus­so­la­ryň re­žiss­ýor­lyk ed­ýän fil­min­de «Marvel»-iň hy­ýa­ly gah­ry­man­la­rynyň tas ählisi di­ýen ýa­ly bir ýe­re jem­len­ýär. Kris Ewans, Kris Hems­wort, Wa­nes­sa Kör­bi, An­to­ni Mä­ki, Se­bas­ti­an Stan, Pol Rudd, Flo­rens Pýu, Ped­ro Pas­kal, Tom Hiddls­to­un, Ro­bert Daw­ni Ju­ni­or da­gy ki­no­da­ky esa­sy ar­tist­le­r bo­lup, film 18-nji de­kabr­da ek­ran­la­ra çy­kar. Fil­miň «Marvel» ki­ne­ma­tog­ra­fik äle­mi­niň ab­ra­ýy­ny tä­ze­den aýa­ga gal­dyr­ma­gy­na ga­ra­şyl­ýar.

«Du­ne: Part Three»
Baş­da-da bel­leý­şi­miz ýa­ly, «Aven­gers: Dooms­day» fil­mi bi­len bir gün­de ek­ran­la­ra çyk­jak «Dýu­na» fil­mi­niň 3-nji ki­no­sy­na hem De­ni Willn­ýow re­žiss­ýor­lyk ed­ýär. «War­ner Bros.» stu­di­ýa­sy­nyň önüm­çi­li­gin­dä­ki film­de-de meş­hur ýyl­dyz­lar Ti­mo­ti Şa­la­me, Zen­de­ýa, Flo­rens Pýu, Jeý­son Ma­moa, Joş Bro­lin, Re­bek­ka Fer­gu­son, An­ýa Taý­lor-Joý, Ro­bert Pat­tin­son da­gy su­ra­ta dü­şer.

 

Gyzykly bolup bilerЕЩЕ ОТ АВТОРА