ABŞ-nyň aerokosmos edarasynyň (NASA) Marsdaky “Ingenuity” dikuçary 21-nji uçuşyny amala aşyrdy. Şeýlelikde, 2021-nji ýylda Gyzyl planeta iberilen kiçi göwrümli dikuçar häzire çenli 4,6 kilometrden gowrak ýol geçdi. Uçuşyň 11-nji martda amala aşyrylandygy mälim edildi. Kindiwança enjam 129 sekuntlyk uçuşyň dowamynda 370 metr ýol geçipdir. Astronomlar bu dikuçaryň häzire çenli hiç hili tehniki bökdençlik döretmändigini we täzeligini saklaýandygyny hem habar berdiler.

Dikuçar “Perseverance” atly marsahod bilen Mars planetasyna iberilipdi. Planetany guşuçar belentlikden synlamaga mümkinçilik berýän enjam alty tigirli “Perseverance”-yň haýsy tarapa gitmelidigini kesgitlemäge hem ýardam edýär. Bu bolsa marsahoddan has netijeli peýdalanmaga kömek edýär.

“Perseverance” marsahody 2020-nji ýylyň 30-njy iýulynda uçurylyp, 7 aý çemesi wagtdan soňra – geçen ýylyň 18-nji fewralynda Gyzyl planeta gondurylypdy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА