Germaniýanyň çempionatynda gyşky arakesme tamamlanyp, täze tapgyr uly duşuşyk bilen başlandy. “Borussiýa Dortmund” soňky çempiony “Baýeri” kabul etdi. Çekeleşikli geçen oýun gol bilen başlap, 25-nji sekuntda myhmanlar Natan Tellanyň goly esasynda öňe saýlandy. 8-nji minutda Patrik Şik hasaby 2-ä çykardy. 12-nji minutda Jeými Gittens aratapawudy 1 gola düşürse-de, 19-njy minutda Patrik Şik ýene bir gezek tapawutlanmagy başardy. Toparlar arakesmä lewerkuzenlileriň 3-1-lik öňdeligi bilen çykdylar. 2-nji ýarymda ýer eýeleriniň hasaby deňlemek üçin tagallasy ýeterlik bolmady. Oýnuň 79-njy minutynda VAR-yň görkezmesi boýunça ýer eýeleriniň peýdasyna penalti bellendi. Seru Girassi topy dürs derwezä ursa-da bu gol ýeňşe ýetmedi. Şunlukda, täze ýyla “Borussiýa Dortmund” ýeňliş bilen başlady. Dortmundlylar şu möwsümde öz meýdançasynda ilkinji gezek utuldy. Galyberse-de, “Borussiýa Dortmund” her ýylyň ilkinji duşuşygynda 2004-nji ýyldan soň ilkinji gezek ýeňlişe sezewar boldy.

“Baýer” topary “Borussiýa Dortmundy” 4 oýundan soň ilkinji gezek ýeňmegi başardy.

“Bundesligada” şu gün agşam sanawyň lideri “Bawariýa” topary “Borussiýa M” toparynyň myhmany bolar (22:30)

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА