Müňlerçe klubuň gatnaşýan ýaryşy – Fransiýanyň Kubogy bäsleşiginde garaşylmadyk wakalaryň biri boldy. 5-nji liga wekilçilik edýän “Burguan-Žalie” topary Fransiýanyň meşhur toparlaryndan “Liony” ýaryşdan çykardy. Duşuşygyň esasy wagty 2-2 hasabynda deňlikde tamamlandy. Ýer eýeleriniň gollarynyň 2-sini hem Mužetski geçirdi (20, 69). “Lionyň” adyndan bolsa Matiç (45) bilen Mikautadze (64) tapawutlandy. Oýundan soňky penaltilerde bolsa 4-2 üstün çykan “Burguan-Žalie” topary 1/16 finala çykmagy başardy.

4-nji ligadan gatnaşýan “Brioçin” topary-da 2-nji liganyň wekili “Annesini” penaltileriň netijesinde ýeňdi (1-1, 4-2 p). PSŽ myhmançylykda 5-nji liganyň kluby “Espali” bilen duşuşyp, 4-2 hasabynda ýeňiş gazandy. Duşuşykda ýer eýeleriniň gollaryny Gýeçi (3), Furnel (71), parižlileriň gollaryny bolsa Zair-Emeri (37), Due (67), Barkola (88) hem-de Ramuş (90+2 p) geçirdi.

4-nji liganyň kluby “Kann” öz meýdançasynda 2-nji ligadan wekilçilik edýän “Loriýany” 2-1 hasabynda utdy. 5-nji ligada çykyş edýän “Diw-Kabur” topary 4-nji liganyň kluby “Le Puý Fut” toparyny 1-0 hasabynda ýeňlişe sezewar edip, 1/16 finala adyny ýazdyrdy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА