Garward uniwersiteti Kollejleriň we uniwersitetleriň işewürligi boýunça direktorlaryň milli bileleşigi we “Commonfund” instituty tarapyndan düzülen ABŞ-nyň iň baý uniwersitetleriniň sanawynda birinji ýeri eýeledi.
“Report” neşiriniň “Forbes” žurnalyna salgylanyp ýazmagyna görä, Garwardyň haýyr-sahawat gaznasy 49,5 milliard dollara golaý boldy.
Ikinji orunda 45 milliad dollarlyk gaznasy bilen Tehas uniwersiteti gelýär. Garwardda Tehasyň uniwersiteti bilen deňeşdirilende, 10 esse az talybyň okaýandygy bellenilýär.
Iň baý okuw merkezleriniň ilkinji bäşligine Ýel (40,7 milliard dollar), Stenford (36,5 milliard dollar) we Prinston (34,1 milliard dollar) uniwersitetleri girdi.
Bu sanaw 1974-nji ýyldan bäri her ýyl düzülýär. Umuman alanyňda, sanawda ABŞ-nyň 688 kolleji we uniwersiteti görkezilýär.
