Ispaniýanyň çempionatynda sanawyň lideri “Real Madrid” öz meýdançasynda “Sewilýany” 38 ýaşly weteran ýyldyzy Luka Modriçiň 81-nji geçiren owadan goly esasynda 1-0 ýeňdi. “Real Madrid” çempionatda 20 oýundan bäri ýeňilmän gelýär (15 ýeňiş, 5 deňlik). “Barselona” öz meýdançasynda “Hetafeni” uly hasap bilen 4-0 hasabynda utdy. Duşuşykda katalonlaryň gollaryny Rafinýa, Feliks, De Ýong hem-de Fermin Lopes geçirdi. Iň aşaky orunda ýeňişsiz barýan “Almeriýa” topary öz meýdançasynda “Atletiko” bilen duşuşyp, 2-2 hasabynda deňme-deň oýnady we 26-njy tapgyrda-da ýeňiş gazanyp bilmedi. Ýer eýeleri argentinaly oýunçylary Korrea hem-de De Paulyň gollary bilen 2 gezek öňe geçen madridlilere Romeronyň gollary esasynda jogap berdi. “Betis” öz meýdançasynda “Atletik Bilbao” toparyny 3-1 hasabynda ýeňdi. Duşuşygyň 40-njy minutynda “Atletik” toparynyň ýyldyzy Niko Williamsyň gyzyl kart aldy.
Real Sosiedad – Wilýarreal: 1-3 (Merino 86 – Komesaniýa 17, 47, Serlot 90+5),
Barselona – Hetafe: 4-0 (Rafinýa 20, Feliks 53, De Ýong 61, Fermin Lopes 90+1),
Alawes – Malýorka: 1-1 (Benawides 76 – Nastasiç 88),
Almeriýa – Atletiko: 2-2 (Romero 27, 64 – Korrea 2, De Paul 57),
Kadiz – Selta: 2-2 (Huanmi 66, Maçis 90+10 – Ýago Aspas 11, Swedberg 58),
Betis – Atletik: 3-1 (Awila 13, Berçiçe 38 ö.d., Kardoso 67 – Guruseta 45+7),
Las Palmas – Osasuna: 1-1 (Rodriges 52 – Unaý Garsiýa 49),
Real Madrid – Sewilýa: 1-0 (Modriç 81),
Žirona – R. Wallekano (şu gije 01:00-da)
Granada – Walensiýa (soňa goýuldy)
