ABŞ-nyň çempionatynda “Inter Maýami” topary myhmançylykda “Los Anjeles Galaksi” bilen duşuşyp, soňky minutlarda Ýordi Albanyň pasynda Lionel Messiniň goly bilen ýeňlişden halas boldy (Ýowelýiç 75 – Messi 90+2).
Erkekleriň arasynda Dohada geçirilen 32-nji “Qatar ExxonMobil Açyk” tennis ýaryşynda russiýaly Karen Haçanow ýeňiş gazanyp, ol finalda çehiýaly Ýakub Menşigi 7:6, 6:4 hasaplar bilen ýeňdi we karýerasyndaky 6-njy kubogyny asmana göterdi.
Braziliýada geçirilen erkekleriň arasyndaky “Rio Açyk” tennis ýaryşynyň finalynda 2 argentinaly tennisçi – Sebastian Baes bilen Mariano Nawone duşuşyp, olaryň birinjisi 6:2, 6:1 hasaplar bilen karýerasyndaky 5-nji kubogyny baýram etdi.
Meksikada erkekleriň arasynda geçirilen “Los Kabos Açyk” tennis ýaryşynyň finalynda norwegiýaly Kasper Ruudy 6:3 we 7:6 hasaplar bilen ýeňen awstraliýaly Jordan Tompson karýerasyndaky ilkinji ATP Kubogyny gazandy.
Möwsümiň 2-nji “WTA 1000” ýaryşy bolan Dubaý tennis çempionatynda italiýaly Jazmin Paolini ýeňiş gazanyp, ol finalda russiýaly Anna Kalinskaýany 4:6, 7:5, 7:5 hasaplar bilen ýeňlişe sezewar etdi we karýerasynaky 2-nji kubogyna mynasyp boldy.
