Italiýanyň çempionatynda 21-nji tapgyrda galdyrylan duşuşykda sanawyň lideri “Inter” öz meýdançasynda “Atalanta” bilen duşuşdy. Ýer eýeleriniň doly artykmaçlygynda geçen oýunda “Inter” 4-0 hasabynda ýeňiş gazandy. “Interiň” gollarynyň 26-njy minutda Darmian, 45+1-nji Lautara Martines, 54-nji minutda Dimarko hem-de 72-nji minutda Frattezi geçirdi. Oýnuň 54-nji minutynda Lautara Martines penaltini dürs urup bilmedi. 2-nji ýerdäki “Ýuwentusdan” 12, 3-nji hatardaky “Milandan” 16 utuk öňe saýlanan “Inter” çempionatda 19 oýundan bäri ýeňilmän gelýär. “Inter” topary bassyr 4-nji duşuşygynda 4 golly ýeňiş gazandy. Şol 4 oýunda geçirilen 16 goluň 4-sini Lautara Martines öz adyna ýazdyrdy. Argentinaly ýyldyzyň çempionatdaky gollarynyň sany 23-e ýetdi.
