Hal­ky­myz­da «Ge­çen gün­den yb­rat al, gel­jek­den umyt­ly bol» di­ýen hik­met­li söz bar. Di­ňe şu gün däl, gel­je­giň ala­da­sy­ny ed­ýän halk be­ýik­dir. Men­zil aý­dyň bo­lan­da ýol aş­mak has asan bol­ýar. Mu­ňa dur­muş şa­ýat. Şu jähet­den ugur al­saň, türk­men hal­ky­nyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Türkmenistanyň Halk Maslahatynyň Prezidiumynyň mej­li­sin­dä­ki çy­ky­şy ber­ka­rar döw­le­ti­mi­ziň uzak gel­je­gi na­zar­la­ýan gal­ky­nyş­ly, ösüş­li men­zil­le­ri­ni çel­gi­läp ber­di.
«Ösüş bi­ziň alyp bar­ýan sy­ýa­sa­ty­my­zyň baş mak­sa­dy­dyr» di­ýip nyg­ta­ýan hormatly Prezidentimiziň pa­ra­sat­ly baştutanlygynda tä­ze ta­ry­hy eý­ýam­da gur­mak, dö­ret­mek aja­ýyp ýyl­la­ryň goý­nun­da il-ýurt bäh­bit­li be­ýik iş­le­re ulaş­ýar. Ýur­du­my­zyň döw­let­li­lik bin­ýa­dy­nyň ber­ke­me­gi­ne, yk­dy­sa­dy kuw­wa­ty­nyň has-da art­ma­gy­na, hal­ky­my­zyň ýa­şa­ýyş-dur­muş de­re­je­si­niň ýo­kar­lan­ma­gy­na uzak möh­let­le­ýin iri mak­sat­na­ma­lar ägirt uly tä­si­ri­ni ýe­tir­ýär. Gahryman Arkadagymyzyň hem-de Arkadagly Gahryman Serdarymyzyň pä­him-paý­ha­sa esas­lan­ýan oý­la­ny­şyk­ly içe­ri we da­şa­ry sy­ýa­sa­ty­nyň ne­ti­je­sin­de Ga­raş­syz, he­mi­şe­lik Bi­ta­rap ýur­du­myz­da ama­la aşy­ryl­ýan be­ýik iş­le­re, aja­ýyp wa­ka­la­ra bag­ty­ýar hal­ky­myz tüýs ýü­rek­den gu­wa­nyp ýa­şa­ýar.
Bir akyl­da­ryň: «Go­wy adam­lar öz­le­ri­ni, güýç­li adam­lar maş­ga­la­la­ry­ny, be­ýik şah­sy­ýet­ler bol­sa halk­la­ry­ny bagt­ly ed­ýär­ler» di­ýip bel­leý­şi ýa­ly, Gahryman Arkadagymyzyň ba­şy­ny baş­lan be­ýik tu­tum­ly iş­le­ri­niň ne­ti­je­sin­de bu gün ag­zy­bir hal­ky­myz bag­ty­ýar dur­mu­şyň hö­zi­ri­ni gö­rüp ýa­şa­ýar. Biz mu­ňa türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gah­ry­man Ar­ka­da­gy­my­zyň baş­lyk­ly­gyn­da ge­çi­ri­len Türk­me­nis­ta­nyň Halk Mas­la­ha­ty­nyň Pre­zi­diu­my­nyň mej­li­sin­de «Türk­me­nis­ta­ny 2024-nji ýyl­da dur­muş-yk­dy­sa­dy taý­dan ös­dür­me­giň we ma­ýa go­ýum Mak­sat­na­ma­sy­ny» üs­tün­lik­li dur­mu­şa ge­çir­mek bo­ýun­ça öň­de goý­lan we­zi­pe­le­riň bin­ýa­dyn­da hem ma­gat göz ýe­tir­dik.
Jem­gy­ýe­ti­mi­ziň ag­zy­bir­li­gi, je­bis­li­gi, şeý­le-de äh­li ul­gam­lar­da joş ur­ýan dö­re­di­ji­lik­li, ön­dü­ri­ji­lik­li zäh­meti Gah­ry­man Ar­ka­da­gy­my­zyň öz hal­ky­na peş­geş be­ren aja­ýyp döw­rü­niň hä­si­ýet­li aý­ra­tyn­ly­gy­dyr.
Mil­li Li­de­ri­mi­ziň yn­san­per­wer tag­ly­ma­ty, da­na pä­him-paý­ha­sy ar­ka­ly has-da ber­ki­dil­ýän, nus­ga­lyk de­re­jä gö­te­ril­ýän şu­nuň ýa­ly ag­zy­bir­li­giň, je­bis­li­giň, joş­gun­ly, dö­re­di­ji­lik­li zäh­me­tiň ne­ti­je­sin­de, be­re­ket­li türk­men top­ra­gy­nyň çar kün­jün­de gel­je­gi uly bo­lan, di­ňe bir mil­li bäh­bit­le­re däl, eý­sem, umu­ma­dam­zat bäh­bit­le­ri­ni naý­ba­şy orun­da goý­ýan, nu­ra­na gel­je­gi­mi­ze gö­nük­di­ri­len iri möç­ber­li tas­la­ma­lar üs­tün­lik­li ama­la aşy­ryl­ýar.
Mu­ňa döw­let Baş­tu­ta­ny­my­zyň Ka­ra­ry bi­len ka­bul edi­len «Türk­me­nis­ta­ny 2024-nji ýyl­da dur­muş-yk­dy­sa­dy taý­dan ös­dür­me­giň we ma­ýa go­ýum Mak­sat­na­ma­syn­da» göz öňün­de tu­tu­lan we­zi­pe­le­riň döw­le­ti­mi­ziň dur­muş-yk­dy­sa­dy taý­dan dur­nuk­ly ösü­şi­ni üp­jün et­mä­ge, pu­dak­la­ryň we se­bit­le­riň kuw­wa­ty­ny ber­kit­mä­ge, ila­ty­my­zyň iş üp­jün­çi­li­gi­ni, ýa­şa­ýyş-dur­muş de­re­je­si­ni has-da go­wu­lan­dyr­ma­ga ýar­dam ber­mä­ge gö­nük­di­ril­me­gi­niň my­sa­lyn­da göz ýe­tir­mek bol­ýar. Ýur­du­myz­da ýaş­la­ryň hal­ka­ra ül­ňü­le­ri­ne la­ýyk gel­ýän döw­re­bap bi­lim al­ma­gyn­da, saý­lap alan hü­när­le­ri bo­ýun­ça bi­lim­le­ri­ni art­dyr­ma­gyn­da, ýaş ne­sil­le­riň yl­my we dö­re­di­ji­lik iş­le­ri­ne hö­wes­len­me­gin­de, dün­ýä­ga­ra­ýyş­la­ry­nyň gi­ňel­me­gin­de, kä­mil­leş­me­gin­de, be­den­ter­bi­ýe we sport bi­len meş­gul­lan­ma­gyn­da hem­me­ta­rap­la­ýyn gol­daw ber­mek ýa­ly we­zi­pe­le­riň bu mak­sat­na­ma­da esa­sy orun­la­ryň ha­ta­ryn­da kes­git­le­nil­me­gi ýur­du­myz­da ýaş­lar ba­ra­da edil­ýän ala­da­nyň bi­möç­ber­di­gi­ni aý­dyň tek­rar­la­ýar.
Ýur­du­myz­da giň ge­rim­de al­nyp ba­ryl­ýan şu­nuň ýa­ly ägirt uly tu­tum­lar «Döw­let adam üçin­dir!» di­ýen tag­ly­ma­ty­na he­mi­şe berk eýer­ýän Gah­ry­man Ar­ka­da­gy­my­zyň hem-de hor­mat­ly Pre­zi­den­ti­mi­ziň yn­san­per­wer döw­let sy­ýa­sa­tyn­da ag­zy­bir türk­men hal­ky­nyň aba­dan, bo­le­lin ýa­şa­ýyş-dur­mu­şy­nyň, eziz Di­ýa­ry­my­zyň pa­jar­lap ös­me­gi­niň naý­ba­şy orun­da dur­ýan­dy­gy­ny äh­li aý­dyň­ly­gy bi­len gör­kez­ýär.
Şu jä­het­den, döw­let sy­ýa­sa­ty­nyň ile­ri tu­tul­ýan ugur­la­ry­nyň bi­ri hem ýaş­lar bi­len bag­ly­dyr. Bu gö­nü­den gö­ni ola­ryň hu­kuk­la­ry, dur­muş taý­dan go­rag­ly­ly­gy we gel­je­gi bi­len aý­ryl­maz bag­la­ny­şyk­ly­dyr.
Bu ba­bat­da Gah­ry­man Ar­ka­da­gy­myz Türk­me­nis­ta­nyň Halk Mas­la­ha­ty­nyň Pre­zi­diu­my­nyň mej­li­sin­de ösüp gel­ýän ýaş­la­ry­my­zy go­ra­mak, ola­ry gol­da­mak ba­bat­da kä­mil­lik ýa­şy­na ýet­me­dik­le­riň me­se­le­le­ri bi­len bag­ly gat­na­şyk­la­ry düz­gün­leş­dir­ýän ka­da­laş­dy­ry­jy hu­kuk na­ma­la­ry­ny kä­mil­leş­dir­me­giň wag­ty­nyň ge­len­di­gi­ni aýt­mak bi­len, türk­me­niň mu­kad­des maş­ga­la oja­gy­nyň eýe­si bo­lan ene­le­ri­mi­ziň, ge­lin-gyz­la­ry­my­zyň mer­te­be­si­ni be­lent­de tut­mak, olar ba­ra­da döw­le­tiň düýp­li ala­da­la­ry­ny, ka­nu­ny bäh­bit­le­ri­ni go­ra­mak ug­run­da dö­re­dil­ýän şert­le­ri, maş­ga­la­nyň go­ra­gy­ny we bi­te­wü­li­gi­ni, ça­ga­la­ryň iň go­wy bäh­bit­le­ri­ni üp­jün et­me­giň hu­kuk usul­la­ry­ny ber­kit­me­giň döw­rüň ze­rur ta­lap­la­ry­nyň bi­ri bo­lup dur­ýan­dy­gy­na aý­ra­tyn ün­si çek­di.
Ha­wa, amala aşyrylýan iş­ler, ola­ryň haý­sy döw­re, haý­sy ul­ga­ma ýa-da haý­sy ug­ra de­giş­li­di­gi­ne ga­ra­maz­dan, gö­nü­den-gö­ni ýaş­la­ra, has ta­ky­gy, ne­sil­le­re da­hyl­ly­dyr, olar bi­len aý­ryl­maz bag­la­ny­şyk­ly­dyr. Se­bä­bi ýaş­lar he­mi­şe jem­gy­ýe­tiň öň­de­ba­ry­jy iş­jeň gat­la­gy, kuw­wat­ly güý­ji ha­sap­lan­ýar.
Şeý­le iş­le­riň ne­ti­je­sin­de, ýur­du­myz­da ýaş­la­ra mah­sus bo­lan we ata-ba­ba­la­ry­my­zyň ru­hy gym­mat­lyk­la­ry­ny özün­de jem­le­ýän bin­ýa­da esas­lan­ýan ýaş­lar ba­ra­da döw­let sy­ýa­sa­ty üs­tün­lik­li dur­mu­şa ge­çi­ril­ýär. Wa­ta­ny­my­za, hal­ky­my­za, aja­ýyp mil­li däp-des­sur­la­ry­my­za we­pa­ly, bi­lim we ter­bi­ýe al­ma­ga, sport bi­len meş­gul­lan­ma­ga, hü­när öw­ren­mä­ge, ha­lal zäh­met çek­mä­ge hö­wes­li, ru­hu­be­lent, mak­sa­da­ok­gun­ly bag­ty­ýar ýaş­lar ke­ma­la gel­ýär.
Türk­men ýaş­la­ry – Ga­raş­syz, he­mi­şe­lik Bi­ta­rap döw­le­ti­mi­ziň gel­je­gi. Ýaş­la­ryň ru­hy we be­den taý­dan sag­dyn­ly­gy, hü­när taý­ýar­ly­gy esa­syn­da kä­mil şah­sy­ýet bol­ma­gy, dö­re­di­ji­lik uky­by we pi­kir­len­mek ba­şar­ny­gy jem­gy­ýe­ti­mi­ziň kä­mil­leş­me­gi­ne hem-de döw­le­ti­mi­ziň ösü­şi­ne uly iter­gi ber­ýän güýç­dür.
Hut şol se­bäp­li hem bu döw­rüň ga­dyr-gym­ma­ty­ny, be­re­ket hüm­me­ti­ni ýaş ne­sil­le­re do­ly hem dog­ry dü­şün­dir­mek, olar­da be­ýik Wa­ta­na bo­lan söý­gi­ni, ene-ata bo­lan hor­ma­ty, ne­sil­le­riň öňün­dä­ki jo­gap­kär­çi­lik duý­gu­sy­ny ter­bi­ýe­le­mek bi­ziň be­ýik bor­ju­myz we esa­sy we­zi­pä­miz­dir! Se­bä­bi bu be­ýik iş­ler şu gün­ki we gel­jek­ki ne­sil­le­riň bag­ty­ýar dur­mu­şy­ny, aba­dan ýa­şaý­şy­ny üp­jün et­mä­ge gö­nük­di­ri­len­dir. Çün­ki Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de gu­jur-gaý­rat bi­len dö­re­di­ji­lik­li zäh­met çek­mek ýaş­la­ryň Wa­tan öňün­dä­ki mu­kad­des bor­ju­dyr.
Umu­man, Ga­raş­syz, he­mi­şe­lik Bi­ta­rap Wa­ta­ny­my­zyň ab­raý-mer­te­be­si­ni be­len­de gö­ter­mek, adam ha­kyn­da­ky ala­da­lar üs­tün­lik­li al­nyp ba­ryl­ýan döw­let sy­ýa­sa­ty­nyň öze­ni­ni düz­ýän hem-de bü­tin dün­ýä­de giň­den da­ba­ra­lan­dy­ryl­ýan türk­me­niň mil­li döw­let­li­lik ýo­lu­dyr. Bu ýol – ösü­şe we aba­dan­çy­ly­ga alyp bar­ýan ýol­dur. Bu nu­ra­na ýol­da hal­kyň aba­dan dur­muş­da ýa­şa­ma­gy ba­ra­da­ky ala­da­nyň döw­let sy­ýa­sa­ty­nyň esa­sy me­se­le­le­ri­niň bi­ri bol­ma­gy, pa­ra­hat hem asu­da ýur­du­my­zyň bag­ty­ýar­ly­gyň me­ka­ny­dy­gy­na gü­wä geç­ýär. Haý­sy ýurt­da adam ha­kyn­da ala­da edi­lip, hal­kyň ýa­şa­ýyş-dur­muşy ba­ra­da­ky me­se­le­si il­kin­ji orun­da dur­ýan bol­sa, on­da şol ýur­duň ila­ty bagt­ly­dyr, bag­ty­ýar­dyr. Diý­mek, Ga­raş­syz, he­mi­şe­lik Bi­ta­rap Türk­me­nis­ta­ny­myz­da ýa­şa­ýan ra­ýat­lar, esa­san hem, ýaş­lar bagt­ly­dyr. Çün­ki hal­ky­my­zyň, ýaş­la­ryň Milli Liderimize hem-de hormatly Prezidentimize bo­lan çäk­siz söý­gü­si­ni, buý­san­jy­ny, ýü­rek joş­gu­ny­ny biz her ädim­de, ga­za­nyl­ýan üs­tün­lik­ler­de gör­ýä­ris hem duý­ýa­rys. Bu iş­le­riň bin­ýa­dyn­da bol­sa, Wa­ta­na bo­lan çäk­siz ynam we söý­gi bar. Se­bä­bi, Wa­ta­ny söý­mek türk­men hal­ky­nyň ýö­rel­ge­si. Asyr­la­ryň jüm­mü­şin­den gel­ýän bu aý­dyň­lyk hormatly Prezidentimiziň ber­ka­rar eden bag­ty­ýar­lyk döw­rün­de döw­let sy­ýa­sa­ty­nyň bin­ýa­dy­na, hal­kyň ma­ny­ly ýa­şaý­şy­na öw­rül­di. Hal­ky­my­zyň yk­ba­ly­ny gö­te­ren tä­ze dö­wür­de ama­la aşy­ryl­ýan her bir iş halk bäh­bi­di­ne gö­nük­di­ril­ýär. Onuň möç­be­ri hem ge­ri­mi ata Wa­ta­ny­my­zyň yk­dy­sa­dy kuw­wa­ty­nyň bar­ha art­ýan­dy­gy­ny gör­kez­ýär. Wa­tan söý­gü­si zäh­met ne­ti­je­li­li­gi bi­len has-da go­wu­lan­ýar. Ga­raş­syz, he­mi­şe­lik Bi­ta­rap ýur­du­my­zyň, tu­tuş türk­men jem­gy­ýe­ti­niň ok­gun­ly ösü­şi­ni ber­ka­rar eden bag­ty­ýar­lyk döw­rü­niň her bir gü­ni aja­ýyp ösüş­le­re bes­len­ýär.
«Bi­ziň äh­li­mi­ziň iň esa­sy mak­sa­dy­myz jan­dan eziz gör­ýän Wa­ta­ny­my­zy be­ýik gel­je­ge ta­rap ynam­ly öňe alyp bar­mak­dan yba­rat­dyr. Şo­ňa gö­rä-de, mu­kad­des Wa­ta­ny­my­zy beý­geld­ýän be­ýik baş­lan­gyç­la­ry wa­gyz et­mek, hal­ky­my­zy bu iş­le­re ruh­lan­dyr­mak bor­ju­myz­dyr» di­ýip, ýur­du­my­zy ag­zy­bir­lik, asu­da­lyk, aba­dan­çy­lyk ýo­ly bi­len ynam­ly öňe alyp bar­ýan türk­men hal­ky­nyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň ja­ny sag, öm­ri uzak, il-ýurt bäh­bit­li döw­let­li tu­tum­la­ry he­mi­şe ro­waç­lyk­la­ra bes­len­sin.

Döwletgeldi DURDYMUHAMMEDOW,
Türkmenistanyň Magtymguly adyndaky Ýaşlar guramasynyň Merkezi Geňeşiniň başlygynyň orunbasary.

Gyzykly bolup bilerЕЩЕ ОТ АВТОРА