UEFA Çempionlar Ligasynda 1/8 finalyň jogap oýunlaryna badalga berlip, ilkinji 2 çärýek finalçy belli boldy. Myhmançylykda “Lasiodan” 1-0 hasabynda utulan “Bawariýa” öz meýdançasynda italýan klubunyň derwezesinden jogapsyz 3 gol girizdi. Gollary 38-nji we 66-njy minutlarda Harri Keýn bilen 45+2-nji minutda Tomas Müller geçirdi. Şunlukda, umumy hasapda 3-1 öňe saýlanan “Bawariýa” soňky 13 ýaryşda 12-nji, umumylykda-da 22-nji gezek çärýek finala çykdy. “Bawariýanyň” umumylykda 1/8 finalda geçiren gollarynyň sany 100-e ýetdi. “Lasio” soňky 4 ýylda 2-nji gezek 1/8 finaldan yzyna gaýtdy.
