ABŞ-nyň öňki Prezidenti Donald Tramp Amerikan Samoasyndaky Respublikan partiýanyň praýmerizlerinde ýeňiş gazandy.
“Öňki Prezident Donald Tramp Amerikan Samoasynda geçirilen praýmerizlerde ýeňiş gazandy we onuň ähli dokuz wekiliniň goldawyny aldy”.
Amerikan Samoasy Ýuwaş umman adalarynyň topary bolup, aýratyn çäk hökmünde Amerikanyň Birleşen Ştatlarynyň düzümine girýär.
Ondan öň Amerikan Samoasynda Demokratik partiýanyň dalaşgärleriniň arasynda praýmerizler geçirildi. 1980-nji ýyldan bäri ilkinji gezek iş başyndaky Prezident ýeňiş gazanyp bilmedi: bu praýmerizlerde işewür Stiw Palmer häzirki Prezident Jo Baýdeni ýeňdi.
Trampyň Amerikan Samoasyndaky ýeňşinden soň, respublikanlar tarapyndan prezidentlige dalaşgär bolmak üçin zerur bolan 1215 delegatyň sesiniň 1071-si bar. Şol bir wagtyň özünde, Nikki Heýli bäsleşikden çykansoň, partiýanyň içinde onuň bäsdeşi galmady.
