Moto GP boýunça möwsümiň 2-nji “Gran Prisi” Portugaliýanyň Algarwe şäherinde geçirildi. Şäheriň 4,6 kilometrlik adybir halkara trassasynda geçirilen ýaryşda “Prima Pramac” toparynyň ispaniýaly sürüjisi Horge Martin ýeňiş gazandy. Ol 25 aýlawy 41 minut 18,138 sekuntda tamamlap, möwsümdäki ilkinji, karýerasyndaky 5-nji ýeňşini baýram etdi.
Ýaryşda 2-nji ýeri ýeňijiden 0,882 sekunt yza galan “Ducati Lenovo” toparynyň italýan piloty Enea Bastianini eýeledi. Karýerasy boýunça ilkinji gezek münbere çykan “Red Bull” toparynyň 19 ýaşyndaky ispan sürüjisi Pedro Akosta ýeňijiden 5,362 sekunt yza galyp, 3-nji orna mynasyp boldy.
Möwsümiň ilkinji ýaryşynda ýeňiş gazanan soňky çempion Françesko Banaia ýüze çykan kiçeňräk hadysadan soň ýaryşy tamamlap bilmedi.
Bu ýaryşdan soň Horge Martin utugyny 60-a çykaryp, sanawyň 1-nji ornuna geçdi. 2-nji ýerdäki Bred Baýnderiň 42, 3-nji orundaky Enea Bastianininiň 39 utugy bar.
Möwsümiň 3-nji ýaryşy 14-nji aprelde ABŞ-nyň Ostin şäherinde geçiriler.
