Saud Arabystanynyň paýtagty Er-Riýadda “Patyşa Salman” adyndaky dünýäniň uly şäher seýilgähiň gurluşyk işleri üstünlikli amala aşyrylýar. Bu barada “Naked Science” neşiri habar berýär.
Taslama laýyklykda, 13,4 inedördül kilometre barabar meýdany eýeleýän seýilgäh ýurduň paýtagtynyň ýaşyl merkezine öwrüler. Bu seýilgähde bir milliondan gowrak gyrymsy agaç ekiler. Onuň çäklerinde ýaşaýyş jaýlarydyr myhmanhanalardan başga-da, Patyşalygyň sungat merkezi, teatrlar, muzeýler, kinoteatrlar, sport desgalary, suw desgalary, restoranlar we golf kluby ýerleşer. Taslama 2019-njy ýylda badalga aldy, ýöne pandemiýa sebäpli gurluşyk işleri yza süýşürilipdi.
