Kongo Demokratik Respublikasynda ilkinji gezek zenan premýer-ministr wezipä bellendi. Ýurduň prezidentiniň diwany prezident Feliks Çisekediniň hökümet başlygy wezipesine Judit Tuluka Suminwany belländigini mälim etdi. Mundan ozalky hökümet başlygy Žan-Mişel Sama Lukonde 21-nji fewralda wezipesinden çekilipdi.
Täze hökümet başlygy Brýusseliň Erkin uniwersitetinde ykdysadyýet ugrundan ýokary bilim aldy. 57 ýaşly Suminwa mundan ozalky hökümetiň düzüminde meýilnamalaşdyryş ministri wezipesinde işläpdi.
Geçen ýylyň 20-nji dekabrynda geçirilen saýlawda Çisekedi 73 göterimden gowrak ses alyp, ýurduň prezidenti bolupdy. Ol 20-nji ýanwarda kasam kabul edip, bu wezipä ikinji möhlete girişdi.
