Amerikanyň hususy kosmos kompaniýasy “SpaceX” 5-nji aprelde ýene 23 sany “Starlink” internet hemrasyny orbita çykardy. “SpaceX”-iň maglumatlaryna görä, emeli hemralar Florida ştatynyň Kanaweral burnundaky ABŞ-nyň kosmos güýçleriniň bazasyndan “Falcon 9” raketasy bilen uçuryldy.
Kompaniýa “Falcon 9”-yň birinji basgançagynyň Atlantik ummanynda ýerleşýän “A Shortfall of Gravitas” awtonom dolandyrylýan ýüzýän platforma gonandygyny habar berdi. “SpaceX” soňra 23 hemranyň ýerleşdirilendigini tassyklady. “Starlink” durnuksyz, gymmat ýa-da düýbünden elýeterli bolmadyk ýerleri ýokary tizlikli giň zolakly internet bilen üpjün edýär.
