1948-nji ýy­lyň okt­ýabr aýy­nyň 5-in­den 6-sy­na ge­çil­ýän gi­je bo­lan Aş­ga­bat ýer­tit­re­me­si ýur­du­my­zyň ta­ry­hy­na iň agyr we weý­ran­çy­lyk­ly sa­hy­pa bo­lup ýa­zyl­dy. Gi­jä­niň bir wag­ty – sa­gat 01:17 tö­we­re­gin­de go­pan el­henç te­bi­gy apat bir­nä­çe se­kun­tyň do­wa­myn­da şä­he­ri ha­ra­ba­ly­ga öwür­di. Adam­zat ta­ry­hyn­da iň weý­ran­çy­lyk­ly te­bi­gy bet­bagt­çy­lyk­la­ryň bi­ri hök­mün­de ha­sa­ba al­nan bu wa­ka müň­ler­çe ada­myň ömür ta­na­py­ny kes­di, en­çe­me maş­ga­la­ny ojak­syz, ça­ga­la­ry ýe­tim goý­dy. Şol agyr gi­je ýü­ze çy­kan he­läk­çi­lik adam­la­ryň ýü­re­gi­ne hiç wagt bit­me­jek ýa­ra sal­dy.

Şeý­le agyr pur­sat­lar­da hem türk­men hal­ky özü­niň je­bis­li­gi­ni, mert­li­gi­ni, as­ly­na we­pa­ly­ly­gy­ny hem-de bi­rek-bi­re­ge ýar­dam go­lu­ny uzat­mak ýa­ly asyl­ly ýö­rel­ge­le­ri­ni bü­tin dün­ýä gör­kez­di. Pa­jy­ga­ly he­läk­çi­li­giň il­kin­ji gün­le­rin­den baş­lap, ýurt­da giň ge­rim­li ha­las ediş iş­le­ri ýo­la go­ýul­dy, hal­ky­myz bu ugur­da ha­ky­ky gaý­duw­syz­lyk hem-de ja­nyp­keş­lik gör­kez­di. Aman ga­lan­lar bi­rek-bi­re­ge gol­daw be­rip, ha­ra­ba­çy­lyk­la­ryň as­tyn­da ga­lan adam­la­ry ha­las et­mek üçin gi­je-gün­diz zäh­met çek­di­ler. Ulu­lar, ýaş­lar­dyr ýet­gin­jek­ler ta­ra­pyn­dan al­nyp bar­lan yn­san­per­wer­lik hem-de di­kel­diş iş­le­ri hal­ky­my­zyň ru­hu­be­lent­li­gi­niň, zäh­met­sö­ýer­li­gi­niň we mer­da­na­ly­gy­nyň şüb­he­siz su­but­na­ma­sy bol­dy. Hiç bir yn­san şol agyr gün­ler­de ýe­ke-ýal­ňyz gal­ma­dy, çün­ki bu ýo­wuz bet­bagt­çy­lyk äh­li türk­men hal­ky­ny bir maş­ga­la ki­min berk je­bis­leş­di­rip­di.

Aş­ga­bat özü­niň ha­ra­ba­lyk­la­ryn­dan tä­ze­den gal­kyp çyk­dy. Paý­tag­ty­my­zy tä­ze­den di­kelt­mek we aba­dan­laş­dyr­mak ug­run­da döw­rüň ta­la­by­na la­ýyk­lyk­da ägirt uly ta­gal­la edil­di. Ýö­ne şol gi­jä­niň ýat­la­ma­sy il­deş­le­ri­mi­ziň ýü­re­gin­de mü­di­mi gal­dy. Ýer tit­re­me­sin­de pi­da bo­lan il­deş­le­ri­miz hiç wagt ýat­dan çy­ka­ryl­ma­ýar, ola­ryň ýag­ty ýa­dy­gär­li­gi hal­ky­my­zyň ýü­re­gin­de ebe­di ýa­şa­ýar.

Bu gün­ki gün Ber­ka­rar Wa­ta­ny­my­zyň be­dew bat­ly ösüş­le­ri her bir türk­men ra­ýa­ty­nyň ýü­re­gin­de buý­sanç duý­gu­sy­ny dö­red­ýär. Hä­zir­ki wagt­da ösüş­le­riň we pa­ra­hat­çy­ly­gyň ýo­ly bi­len ynam­ly öňe bar­ýan paý­tag­ty­my­zyň gö­zel­li­gi her bir ada­myň göw­nü­ni gal­kyn­dyr­ýar. Ak mer­me­re bes­le­nen tä­ze bi­na­la­ry, giň hem aras­sa kö­çe­le­ri, bag-bak­ja­ly se­ýil­gäh­le­ri bi­len Aş­ga­bat dün­ýä­niň iň owa­dan, asu­da hem-de aba­dan şä­her­le­ri­niň bi­ri­ne öw­rül­di. Bu bol­sa ata-ba­ba­la­ry­my­zyň wes­ýet eden je­bis­lik ru­hu­nyň hem-de zäh­met­sö­ýer­li­gi­niň ro­waç­lan­ýan­dy­gy­ny ala­mat­lan­dyr­ýar. Ta­ry­hyň agyr sy­nag­la­ryn­dan mert­lik bi­len ge­çen türk­men hal­ky Gah­ry­man Ar­ka­da­gy­my­zyň we Ar­ka­dag­ly Gah­ry­man Ser­da­ry­my­zyň dö­re­dip be­ren bag­ty­ýar za­ma­na­syn­da ýa­şa­ýar, gur­ýar, dö­red­ýär. Ber­ka­rar döw­let­de bag­ty­ýar dur­mu­şyň hö­zi­ri­ni gör­ýän hal­ky­myz mun­dan beý­läk-de ösüş­le­re, pa­ra­hat­çy­ly­ga we ro­waç­ly­ga ta­rap ynam­ly ädim­ler bi­len öňe git­me­gi­ni do­wam et­di­rer.

Şa­dur­dy SA­DY­KOW,

Et­rek et­ra­byn­da­ky Mag­tym­gu­ly adyn­da­ky 9-njy or­ta mek­de­biň mu­gal­ly­my.

Gyzykly bolup bilerЕЩЕ ОТ АВТОРА