Germaniýanyň “Bundesligasyndan” soň Ýewropanyň öňdebaryjy çempionatlarynyň ýene birinde möwsümiň çempiony belli boldy. Italiýanyň çempionaty “Serie A”-da “Inter” topary şäher derbisinde köne bäsdeşi “Milany” 2-1 hasabynda ýeňip, taryhyndaky 20-nji çempionlygyny gazandy we 2-nji ýyldyzyň eýesi boldy.
Juseppe Meazza stadionynda oýnalan duşuşyk çekeleşikli hem-de dartgynly ýagdaýda geçdi. 18-nji minutda Françesko Açerbi hasaby açdy. 49-njy minutda Markus Turam 2-nji goly “Milanyň” derwezesinden geçirip, çempionlyga barýan ýoly hasam ýakynlaşdyrdy. Oýnuň 80-nji minutynda Fikaýo Tomoriniň goly “Milany” soňky minutlar üçin umytlandyrsa-da, bu olara ýeterlik bolmady. Galan minutlarda “Milan” köne bäsdeşiniň özlerini ýeňip, çempionlyk gazanmazlygy üçin elde baryny etse-de, “Inter” 2-1 hasabynda ýe
ňip, möwsümiň tamamlanmagyna 5 tapgyr galanda 17 utuk aratapawut bilen çempionlygyny yglan etdi. Oýnuň soňky minutlarynda “Milanda” Hernandes bilen Kalabria, “Interde” bolsa Dumfris gyzyl kart aldy. “Milany soňky 6 oýunda ýeňen “Interiň” tälimçisi Simone Inzagi tälimçilik karýerasyndaky ilkinji çempionlygyny gazandy. Onuň futbolçylyk ýyllarynda-da “Lasio” bilen bir sapar çempion bolmagy başardy.
“Serie A”-da “Ýuwentusyň” 36, “Interiň” 20, “Milanyň” 19, “Jenoanyň” 9, “Torino”, “Bolonýa” hem-de “Pro Werçelli” toparlarynyň 7 çempionlygy bar.
Çempionatda 4-nji orun üçin göreşýän “Bolonýa” bu ugurdaky esasy bäsdeşi “Romany” El-Azzuzinň, Zirkzeeniň hem-de Salemakersiň gollary bilen 3-1 hasabynda utdy.
“Serie A”-da 33-nji tapgyrda 6 oýunda myhmanlar ýeňiş gazanyp, 2 oýun deňlikde tamamlandy.
Jenoa – Lasio: 0-1 (Luis Alberto 67),
Kaliari – Ýuwentus: 2-2 (Gaetano 30, Mina 36 p – Wlahowiç 61, Dossena 87 ö.d.),
Empoli – Napoli: 1-0 (Çerri 4),
Werona – Udineze: 1-0 (Koppola 90+3),
Sassuolo – Leççe: 0-3 (Žendri 11, Dorgu 15, Pikkoli 61),
Torino – Frozinone: 0-0,
Salernitana – Fiorentina: 0-2 (Kuame 80, Ikone 90+5),
Monza – Atalanta: 1-2 (Maldini 89 – De Ketelare 44, Ture 72),
Roma – Bolonýa: 1-3 (Azmun 56 – El-Azzuzi 14, Zirkzee 45, Salemakers 65),
Milan – Inter: 1-2 (Tomori 80 – Açerbi 18, Turam 49)
