Şu tomusda futbol boýunça Germaniýada geçiriljek 17-nji Ýewropa çempionatynda oýunlara eminlik etjek eminleriň sanawy mälim edildi. Ýewropada jemi 18 emin çempionatyň çäginde geçiriljek 51 duşuşykda jürlewük çalar. Eminleriň arasynda Italiýadan, Fransiýadan, Angliýadan, Germaniýadan 2 emin bolup, Rumyniýadan, Slowakiýadan, Portugaliýadan, Ispaniýadan, Niderlandlardan, Polşadan, Türkiýeden, Şwesiýadan, Şweýsariýadan hem-de Sloweniýadan 1 emin çagyryldy. Çagyrylan eminleriň arasynda Antoni Teýlor, Maýkl Oliwer, Daniele Orsato, Kleman Turpen, Iştwan Kowaç, Simon Marçiniak ýaly belli eminler hem bar.
Şeýle-de, KONMEBOL we UEFA-nyň arasyndaky gatnaşyklaryň çäginde argentinaly meşhur emin Fakundo Tello hem çempionatyň dowamynda ýewropaly kärdeşlerine ýardam berer.
Antoni Teýlor (Angliýa);
Maýkl Oliwer (Angliýa);
Daniele Orsato (Italiýa);
Marko Guida (Italiýa);
Fransua Letekse (Fransiýa);
Kleman Turpen (Fransiýa);
Daniel Zibert (Germaniýa);
Feliks Swaýer (Germaniýa);
Iştwan Kowaç (Rumyniýa);
Iwan Kružlýak (Slowakiýa);
Artur Soareş Diaş (Portugaliýa);
Hesus Hil Mansano (Ispaniýa);
Danni Makkeli (Niderlandlar);
Şimon Marçinýak (Polşa);
Halil Umut Meler (Türkiýe);
Glenn Nýuberg (Şwesiýa);
Sandro Şerer (Şweýsariýa);
Slawko Winçiç (Sloweniýa).
