Awstriýaly suratkeş Gustaw Klimtiň çeken “Hanym Lizeriň portreti” atly suraty 32 million dollara satyldy. Wena şäherindäki “Kinsky” auksion öýünde auksiona çykarylan eseri satyn alan adamyň ady mälim edilmedi. Meşhur suratkeş bu eserini ömrüniň ahyrynda – 1917-nji ýylda döredipdir. Eseriň 1918-1925-nji ýyllar aralygynda Lizerleriň maşgalasyna sowgat edilendigi çaklanylýar. Bu suratyň hem şol döwür Wenanyň abraýly maşgalalarynyň biri bolan Lizerleriň gyzlarynyň birine degişlidigi çaklanylýar. Auksion öýi kartinanyň 1960-njy ýyllarda satyn alnandygyny we miras arkaly üç arka aşyp, häzirki eýesine gelip ýetendigini malim etdi. Surat häzire çenli diňe bir gezek – 1926-njy ýylda sergä goýlandygy, şondan bäri köpçülige görkezilmändigi bellenildi.
