Ge­çen hep­de­de hor­mat­ly Pre­zi­den­ti­mi­ziň gat­naş­ma­gyn­da ýur­du­my­zyň ýol-ulag dü­zü­mi­niň döw­re­bap­laş­dy­ryl­ma­gy ug­run­da edil­ýän giň ge­rim­li ta­ry­hy öz­gert­me­le­riň şa­ýa­dy bol­duk. Aş­ga­bat–Türk­me­na­bat ýo­ka­ry tiz­lik­li aw­to­mo­bil ýo­lu­nyň Te­jen–Ma­ry bö­le­gi ula­nyl­ma­ga be­ril­di. Bu buý­sanç­ly we gu­wanç­ly wa­ka döw­le­ti­mi­ziň geoyk­dy­sa­dy taý­dan amat­ly ýer­de ýer­leş­me­gi­niň ulag ul­ga­my­ny ös­dür­mek­de, üs­ta­şyr ulag ýol­la­ry­ny gi­ňelt­mek­de uly or­na eýe­di­gi­ni ýe­ne-de bir ge­zek bü­tin aý­dyň­ly­gy bi­len su­but ed­ýär.
Eziz Di­ýa­ry­myz­da bir ta­rap­dan ýol-ulag dü­zü­mi döw­re­bap­laş­dy­ryl­ýar, beý­le­ki bir ta­rap­dan bol­sa, hal­ky­my­za edil­ýän ýol-ulag hyz­mat­la­ry­nyň hi­li has-da ýo­kar­lan­dy­ryl­ýar. Ýur­du­myz­da ýo­lag­çy­la­ra edil­ýän hyz­mat­la­ryň hi­li­niň ýo­kar­lan­dy­ryl­ma­gy ug­run­da edil­ýän iş­le­riň gör­ne­tin ne­ti­je­le­ri­ni tä­ze gu­rul­ýan aw­to­mo­bil ýol­la­ryn­da hem-de tä­ze aw­to­bus­dyr ýo­lag­çy aw­tou­lag­la­ryn­da gör­mek bol­ýar. Bu gün tu­tuş ýur­du­myz­da ulag-ara­gat­na­şyk ul­ga­my­ny hal­ka­ra öl­çeg­le­ri­ne la­ýyk­lyk­da döw­re­bap­laş­dyr­ma­gyň çäk­le­rin­de we­la­ýat­la­ryň äh­li­sin­de döw­re­bap aw­to­men­zil­ler gu­rul­dy. Şo­nuň bi­len bir­lik­de, ul­ga­myň mad­dy-en­jam­la­ýyn bin­ýa­dy­ny pug­ta­lan­dyr­mak bo­ýun­ça ne­ti­je­li çä­re­ler gö­rül­ýär, ulag gul­luk­la­ry­nyň işi­ne in­no­wa­si­on teh­no­lo­gi­ýa­lar or­naş­dy­ryl­ýar. Hä­zir­ki wagt­da ulag ul­ga­my dün­ýä­niň esa­sy önüm ön­dü­ri­ji­le­ri­niň döw­re­bap ulag se­riş­de­le­ri bi­len üp­jün edil­di. Olar şä­he­ri­çi ugur­lar­da hem-de şä­he­ra­ra gat­naw­lar­da giň­den ula­nyl­ýar. Tä­ze ulag ugur­la­ry iş­le­ni­lip taý­ýar­la­nyl­ýar hem-de dö­re­dil­ýär. Hormatly Prezidentimiziň gat­naş­ma­gyn­da ulan­ma­ga ber­len Aş­ga­bat–Türk­me­na­bat ýo­ka­ry tiz­lik­li aw­to­mo­bil ýo­lu­nyň Te­jen–Ma­ry bö­le­gi­niň açy­lyş da­ba­ra­syn­da Ma­ry we­la­ýa­ty­nyň ýa­şaý­jy­la­ry­ny buý­san­dy­ran aja­ýyp sow­gat-ser­paý hem ýa­pyl­dy. Arkadagly Gahryman Serdarymyz ta­ra­pyn­dan ila­ta edil­ýän aw­tou­lag hyz­ma­ty­nyň hi­li­ni ýo­kar­lan­dyr­mak mak­sa­dy bi­len «Türk­me­naw­tou­lag­la­ry» agent­li­gi­niň «Ma­ry­aw­tou­lag» önüm­çi­lik bir­le­şi­gi­ne tä­ze aw­to­bus­la­ryň 200-e go­la­ýy sow­gat hök­mün­de gow­şu­ryl­dy. Sow­gat ber­len tä­ze ulag­lar Ýa­po­ni­ýa­nyň önü­mi bo­lan hä­zir­ki­za­man ulag­la­ryň 170-si «Toyo­ta Coas­ter» ky­sym­ly or­ta synp­ly, 20-si bol­sa «Toyo­ta Hia­se» ky­sym­ly ki­çi synp­ly aw­to­bus­lar­dyr. Ýo­lag­çy­lar üçin oňaý­ly şert­le­ri bo­lan aw­to­bus­la­ryň bi­rin­ji­si ýo­lag­çy­la­ryň 28-si­ni, ikin­ji­si bol­sa, ýo­lag­çy­la­ryň 13-si­ni gat­nat­ma­ga ni­ýet­le­nen­dir. Döw­re­bap aw­to­bus­lar ýo­lag­çy­la­ry şä­he­ra­ra we şä­her­ýa­ka ugur­larda gat­na­dylyp baş­la­dy­lar.
Mä­lim bol­şy ýa­ly, hor­mat­ly Pre­zi­den­ti­mi­ziň mart aýyn­da ga­dy­my Le­bap top­ra­gy­na ama­la aşy­ran sa­pa­ry­nyň çäk­le­rin­de ýur­du­my­zyň iri se­na­gat dü­zü­mi – «Le­bap» se­ment za­wo­dy­nyň ikin­ji tap­gy­ry ulan­ma­ga be­ril­di. Bu şan­ly wa­ka hem-de hor­mat­ly Pre­zi­den­ti­mi­ziň Le­bap we­la­ýa­ty­na Şa ga­da­my­nyň düş­me­gi my­na­sy­bet­li hormatly Prezidentimiziň adyn­dan «Türk­me­naw­tou­lag­la­ry» agent­li­gi­niň «Le­ba­paw­tou­lag» önüm­çi­lik bir­le­şi­gi­ne hä­zir­ki­za­man aw­to­bus­la­ry­nyň 200-e go­la­ýy sow­gat hök­mün­de gow­şu­ryl­dy. Bu döw­re­bap aw­to­bus­lar hem Ma­ry we­la­ýa­ty­nyň ýa­şaý­jy­la­ry­na sow­gat edi­len aw­tou­lag­la­ra meň­zeş aý­ra­tyn­lyk­da­dyr. «Türk­me­naw­tou­lag­la­ry» agent­li­gi­niň we­la­ýat­lar­da­ky önüm­çi­lik bir­le­şik­le­ri­niň döw­re­bap aw­to­men­zil­le­ri­niň işe gi­ri­zi­le­nin­den bä­ri ge­çen wag­tyň do­wa­myn­da aw­to­bus­la­ryň we tak­si ulag­la­ry­nyň üs­ti yzy­gi­der­li ýe­ti­ri­lip du­rul­ýar.
Ýa­dy­ňyz­da bol­sa, 2022-nji ýy­lyň sent­ýab­ryn­da ýurt Ga­raş­syz­ly­gy­my­zyň 31 ýyl­ly­gy­nyň öňü­sy­ra­syn­da hor­mat­ly Pre­zi­den­ti­mi­ziň san­ly ul­gam ar­ka­ly ak pa­ta ber­me­gi bi­len ýur­du­my­zyň we­la­ýat­la­ryn­da hä­zir­ki ­za­man ýo­lag­çy aw­to­men­zil­le­ri ila­ta hyz­mat edip baş­lap­dy. Tä­ze ýo­lag­çy aw­to­men­zil­le­ri­niň ulan­ma­ga be­ril­me­gi ýur­du­my­zyň se­bit­le­rin­de döw­re­bap ulag ul­ga­my­nyň ke­ma­la ge­ti­ril­ýän­di­gi­niň buý­sanç­ly ny­şa­ny bol­dy. Tä­ze aw­to­men­zil­le­riň gu­rul­ma­gy we döw­re­bap ulag se­riş­de­le­ri­niň yzy­gi­der­li sa­tyn alyn­ma­gy ila­ta edil­ýän hyz­mat­la­ryň hi­li­ni ýo­kar­lan­dyr­ma­ga ýar­dam ed­ýär.

Kü­müş AL­LA­BA­ÝE­WA,
Türk­men döw­let bi­na­gär­lik-gur­lu­şyk ins­ti­tu­ty­nyň uly mu­gal­ly­my.

Gyzykly bolup bilerЕЩЕ ОТ АВТОРА