Russiýanyň geçen ýyl haýsy ýurtdan näçe adama wiza berendigi barada maglumat ýaýradyldy. Rus habar agentlikleriniň habaryna görä, Russiýadan wiza alan daşary ýurtlularyň sany 2022-nji ýyldakydan 64 göterim köp bolupdyr. Geçen ýyl ýurt jemi 845 müň 900 adama wiza beripdir. 2022-nji ýylda bu görkeziji 515 müň 300 bolupdyr. Russiýadan iň köp wiza alan ýurtlaryň arasynda Hytaý uly aratapawut bilen öňdeligi eýeleýär. 2023-nji ýylda 288 müň 243 hytaý raýatyna wiza berlipdir. Ikinji orunda Türkmenistan (72 müň 776), üçünji orunda Germaniýa (58 müň 888) bar.
Raýatlary Russiýadan wiza almakda ilkinji onluga giren beýleki ýurtlar: Türkiýe (58 müň 472), Hindistan (41 müň 643), Eýran (40 müň 566), Litwa (20 müň 902), Wýetnam (20 müň 302), Müsür (12 müň 370) we Estoniýa (11 müň 340).
