UEFA Çempionlar Ligasynda 2-nji ýarym final duşuşygy ertir ýagny 1-nji maýda oýnalar. Germaniýanyň Dortmund şäherinde geçiriljek bu duşuşykda ýerli Borussiýa topary Fransiýanyň çempiony PSŽ-ni kabul eder. Duşuşykda angliýaly Antoni Teýlor jürlewük çalar. “Borussiýa” bilen PSŽ şu möwsümde toparçada-da duşuşypdy. Şol oýunlarda PSŽ Parižde 2-0 ýeňip, jogap duşuşygynda-da 2-2 deňme-deň oýnapdy.
Iki klub şu wagta çenli UEFA-nyň ýaryşlarynda özara 6 gezek duşuşyk geçirdiler. Şolarda PSŽ-niň 2, “Borussiýanyň” 1 ýeňşi bar. 3 duşuşyk deňlikde tamamlanyp, gollarda PSŽ 7-6 öňde barýar.
UÝL 2010/11 möwsüminde toparçalarda:
Borussiýa – PSŽ: 1-1 (Şahin 50 p – Şantom 87), PSŽ – Borussiýa: 0-0;
UÇL 2019/20 möwsüminde 1/8 finalda:
Borussiýa – PSŽ: 2-1 (Holann 69, 77 – Neýmar 75), PSŽ – Borussiýa: 2-0 (Neýmar 28, Bernat 45+1);
UÇL 2023/24 möwsüminde toparçalarda:
PSŽ – Borussiýa: 2-0 (Mbappe 49 p, Hakimi 58), Borussiýa – PSŽ: 1-1 (Adeýemi 51 – Zaik-Emeri 56)
