Beýik Britaniýalylaryň aglabasy Keýt Midltony özleri üçin Korol maşgalasynyň iň gowy görülýän agzasy hökmünde saýladylar diýip, “Daily Mail” neşiri ýazýar. Onuň üçin pikiri soralanlaryň 63 göterimi ses berdi. Şeýlelikde, şazadanyň aýaly Keýt Midlton bu sanawda uzak wagtlap liderligi eýelän ýanýolaşy şazada Uilýamdan öňe geçdi. Häzirki barlaglara laýyklykda, şazada Uilýmamy raýatlaryň 62 göterimi hoşamaýlyk duýgusy bilen kabul edýärler.
Emma şazada Garri we onuň aýaly Megan Markl üçin, pikiri soralan britaniýalylaryň diňe 29 göterimi ses berdi. Korol maşgalasynyň onçaly halanmaýan agzasy bolsa, şazada Endrýu boldy. Oňa pikir soralanlaryň diňe 14 göterimi ses berdi. “Daily Mail” neşiri Keýt Middltonyň abraýynyň artmagynyň sebäbini onuň keseli bilen baglanyşdyrýar. Şa gelin bir aý mundan öň rak keselinden bejergi alýandygyny boýun alypdy.
