Ady rowaýata öwrülen dünýä belli boksçy Muhammet Alynyň 1979-1984-nji ýyllar aralygynda ýaşan öýi ABŞ-nyň auksionynda satylýar. Uly mülk Los-Anjelesiň abraýly etraby hasaplanýan Henkok-parkda ýerleşýär.
Müň inedördül metr ýeri eýeleýän mülk, 60 gektar meýdanda ýerleşýär. Onuň içi italýan mermeri, fransuz billury we witražlary bilen zynatlanypdyr.
Muhammet Alynyň bu mülküne Silwester Stallone, Klint Istwud ýaly Golliwudyň meşhur ýyldyzlary hem gelip görüpdir. Mundan başga-da, bu ýer syýasatçylaryň arasynda hem giňden meşhurlyk gazanyp, ABŞ-nyň öňki Prezidenti Barak Obama bu ýerda az salym düşläpdir.
Mülküň 26-njy aprelde başlanan onlaýn-söwdasy, 15-nji maýda tamamlanar. “The New York Post” gazetiniň habaryna görä, onuň başlangyç bahasy 13,5 million dollara barabar bolar.
