Täze Zelandiýada nesli ýitip giden guýýa guşunyň peri 46 müň 521 dollara satyldy. Şeýlelikde, bu ýelek häzire çenli auksionda satylan iň gymmat per boldy. Agramy 9 grama barabar bolan perjagazyň 3 müň dollara satylmagyna garaşylýardy.
Täze Zelandiýada altynyň bir gramynyň bahasy 127 dollar töweregi. Bu guşuň periniň bir gramy bolsa, 5 müň 169 dollara düşdi. Şeýlelikde, ol agramyna görä hasaplananda altyndan 40 esse gymmada satyldy. Auksion öýi alyjynyň we satyjynyň adyny mälim etmedi, emma olaryň ikisiniň hem kolleksiýaçydygy aýdyldy.
Mundan ozal 2010-njy ýylda ýene-de guşuň şu görnüşine degişli bir per 8 müň 400 dollara satylypdy.
Täze Zelandiýanyň endemik guşy bolan guýýanyň 1920-nji ýyllarda ýok bolandygy bellenilýär.
