Taryhynda 2-nji gezek Ýewropa çempionatyna gatnaşýan Albaniýanyň ýygyndysy mälim boldy. Braziliýaly tälimçi Silwinio düzüme 27 oýunçy çagyryp, olaryň 4-si derwezeçidir. Çagyran oýunçylarynyň hiç biri-de ýerli çempionatlarda, ýagny Albaniýanyň ligalarynda çykyş edýän futbolçylar bolman, 27 futbolçynyň 10-sy italýan klublaryna wekilçilik edýär. 14-nji iýunda başlap, 14-nji iýulda tamamlanjak 17-nji Ýewropa çempionatynda Albaniýanyň ýygyndysy “B” toparçada Italiýanyň, Ispaniýanyň hem-de Horwatiýanyň ýygyndylary bilen duşuşar.
DERWEZEÇILER
Etrit Berişa («Empoli»), Elhan Kastrati («Çittadella»), Simon Simoni («Aýntraht»), Tomas Strakoşa («Brentford»).
GORAGÇYLAR
Naser Aliýi («Woluntari»), Arlind Aýeti (ÇFR), Iwan Baliu («Raýo Walekano»), Berat Jimşiti («Atalanta»), Elseid Hýusaý («Lasio»), Ardian Ismaýli («Empoli»), Maraş Kumbula («Sassuolo»), Enea Mihaý («Famalikao»), Mario Mitaý («Lokomotiw»).
ÝARYMGORAGÇYLAR
Amir Abraşi («Grasshopper»), Kristian Aslani («Inter»), Nedim Baýrami («Sassuolo»), Medon Berişa («Leççe»), Klaus Gýasula («Darmştadt»), Kazim Lýaçi («Sparta» Praga), Ernest Muçi («Beşiktaş»), Ýulber Ramadani («Leççe»).
HÜJÜMÇILER
Ýasir Asani («Kwançžu»), Armando Broýa («Fulham»), Mirlind Daku («Rubin»), Arber Hoja («Dinamo Zagreb»), Reý Manaý («Siwasspor»), Taulant Seferi («Bani Ýas»).
