Türkiýeli meşhur komediýaçy Jem Ýylmaz özüniň sosial hasaby arkaly “G.O.R.A.” filmleriniň dördünjisiniň ekranlaşdyryljakdygyny habar berdi. Bu film aktýoryň soňky kinolary ýaly “Netflix”-iň önümi bolar. “Gora 4 Gora” atly filmiň haçan ýaýlyma goýberiljekdigi anyk bolman, öňümizdäki güýzde “Netflix”-de görkezilmegine garaşylýar. Seriýanyň ilkinji kinosy “G.O.R.A.” 2004-nji ýylda, ikinjisi “A.R.O.G.” 2008-nji ýylda, üçünjisi “Arif V 216” 2018-nji ýylda ekranlara çykypdy.
