Hytaýyň “Tiengong” atly kosmos gämisiniň gurluşygy tamamlandy. Bölekleýin ýagdaýda gurlan kosmos bekedini Hytaý özbaşdak gurdy. Kosmos bekedinde 3 agzaly kosmonawt topary gezekli-gezegine iş alyp barýar. Kosmos gämisine kosmonawtlary gatnatmak we ýük ugratmak üçin aýratyn kosmos gämileri işlenip taýýarlandy. Kosmos gämisine soňky iberilen kosmonawtlar ilkinji gezek açyk asmana çykdylar. Hytaýyň adamly kosmos maksatnamasy agentligi (CMSA) tarapyndan berlen beýanatda kosmonawtlar Ýe Guanfunyň we Li Sonuň bekediň daşyndaky ilkinji işini tamamlandygy mälim edildi. Üçünji kosmonawt Li Guansu bolsa açyk kosmosdaky kärdeşlerine bekediň içinden goldaw berdi. Kosmonawtlar 8,5 sagada golaý wagt açyk kosmosda boldular.
Kosmonawtlar dürli enjamlary ýerleşdirmek, çalyşmak ýa-da abatlamak üçin bekediň daşyna çykmaly bolýarlar. Bu çylşyrymly işe kosmos ýörişi diýilýär. Bu beketde 14-nji gezek kosmos ýörişiniň amala aşyrylandygy mälim edildi.
“Tiengong” kosmos bekedi Russiýanyň ozalky “Mir” kosmos bekedinden nusga alyp guruldy.
Aýbölek Ymmadowa, Aşgabat gurluşyk orta hünär okuw mekdebiniň mugallymy.
