6-njy iýunda Ýewropa Parlamentine saýlawlar Niderlandlarda saýlaw uçastoklarynyň açylmagy bilen başlandy. Bu ýurt Ýewropa Bileleşiginiň 27 agzanyň arasynda ilkinji bolup ses berdi.
Ýakyn günlerde Ýewropa Parlamentiniň jemi 720 agzasy saýlanar, şolardan 31-si Niderlandlardan. Saýlaw prosesi indiki duşenbä çenli dowam eder. Ýewropa Bileleşigi ýurtlarynyň köpüsinde ses berişlik ýekşenbe güni geçiriler.
Ýewropa Parlamentine saýlawlar 1979-njy ýyldan bäri 10-njy gezek geçirilýär. Häzirki wagtda saýlawçylary migrasiýa, goranmak we halkara howpsuzlygy, jenaýatçylyga we terrorçylyga garşy göreş hem-de howanyň üýtgemegi ýaly möhüm meseleler gyzyklandyrýar.
Resmi jemleýji netijeler, saýlaw geňeşi tarapyndan saýlawlardan, takmynan, bir hepde soň açyk mejlisde mälim edilýär. Niderlandlarda Ýewropa Parlamentiniň saýlawlaryna gatnaşyk, adatça pes bolup, hasaba alnan saýlawçylaryň, takmynan, 40 göterimine deň. Bu, ýurtdaky parlament saýlawlaryna gatnaşygyň ortaça ýarysyna deňdir.
