Braziliýada nelor tohumyndan bolan “Viatina” lakamly sygyr 4,3 million dollara satylyp, dünýäniň iň gymmat bahaly sygry boldy. Ony ýerli fermalaryň biriniň seleksionerleri satyn aldy diýip, “MIR 24” habar berdi.
Olar bu sygryň tohumyny köpeltmegi maksat edinýärler. Onuň eti diýseň ýokumlylygy bilen tapawutlanýar. Mundan başga-da, bu sygyrlar gaty çydamly bolup, yssyny ýeňil geçirýärler, az iým bilen hem oňňut edip, semreýärler. Onsoňam derisiniň galyňlygy sebäpli bu tohum sygyrlar üçin çybyn-çirkeýler howply däl. Bu tohum mallar geçen asyryň 60-njy ýyllarynda Hindistandan Braziliýa getirilipdir.
