Hristiýan dininiň iň gadymy kitaplarynyň biri hasaplanýan “Crosby-Schøyen kodeksi” atly golýazmanyň auksion arkaly satuwa çykaryljakdygy mälim edildi. “Christie’s” auksion öýi tarapyndan guraljak auksiona çykaryljak gadymy eseriň rekord derejede gymmat bahadan satylmagyna garaşylýar. Müsürden tapylan gadymy kitabyň 1700 ýyl ozal ýazylandygy bellenilýär. Kitabyň belli bir bölegi häzirki wagta çenli gelip ýetipdir. Londonda satyljak golýazmanyň bahasynyň 3 million funt sterlinge çykyp biljekdigi çaklanylýar. Kitap Gadymy Müsürde giňden ulanylýan papirus tagta kagyzlaryna 40 ýylyň dowamynda ýazylypdyr. Jemi 104 sahypalyk kitapda bäş awtor tarapyndan ýazylan eserler bar. Awtorlary başga bolsa-da, kitaby üçünji asyrda şol bir hatdat göçürip alypdyr.
Oguljeren Bakaşowa, Maýa Kulyýewa adyndaky Türkmen milli konserwatoriýasynyň talyby.
