Çempionata iň köp iňlis klublaryndan futbolçy gatnaşýar. 622 futbolçynyň 114-si iňlis klublaryndan wekilçilik edýär (“Premier Liga” – 96, 18 – “EFL Championship”). Italýan klublaryndan 103 (“Serie A” – 90, “Serie B” – 13), nemes klublaryndan 81 (“Bundesliga” – 76), ispan klublaryndan 56 (“La Liga” – 55), fransuz klublaryndan 31, türk klublaryndan 25, çeh klublaryndanam 22 futbolçy gatnaşýar.
Çempionata gatnaşmaýan Ýewropa ýurtlarynyň klublaryndan – Gresiýadan 12, Kiprden 6, Russiýadan 4, Bolgariýadan 2, Azerbaýjan hem-de Norwegiýadan 1 oýunçy wekilçilik eder. Ýewropa yklymyna degişli bolmadyk ýurtlardanam – Saud Arabystanynyň klublaryndan 14, ABŞ-nyň klublaryndan 7, Günorta Koreýadyr BAE-niň klublaryndan 2, Eýranyň hem-de Kataryň klublaryndanam 1 oýunçy Ýewropa çempionatynda oýnar.
