EURO 2024-iň ilkinji golsuz duşuşygy Leipsigde hasaba alyndy. Yklymyň 2 öňdebaryjy toparlarynyň – Niderlandlar bilen Fransiýanyň arasyndaky oýunda hasap açylmady. D toparçanyň çäginde geçirilen bu oýunda Kilian Mbappe şikesi sebäpli oýnamady. Duşuşygyň 69-njy minutynda VAR-yň görkezmesi boýunça jedelli pursatda niderland oýunçy Hawi Simonsyň goly hasaba alynmady. Netijede, duşuşyk golsuz geçip, ol çempionatyň 0-0 hasabynda tamamlanan ilkinji duşuşygy boldy. Galyberse-de, soňky gezek Ýewropa çempionatynda 50 duşuşyk öň gol geçirilmändi. Ýagny EURO 2020-de toparçalarda Angliýa bilen Şotlandiýanyň arasyndaky duşuşykda hasap açylmandy. Niderlandlar bolsa 19 oýundan soň toparçalarda gol geçirip bilmedi. Niderlandlaryň ýygyndysynyň soňky gezek golsuz oýny 1996-njy ýylda hasaba alnyp, şonda şotlandlar bilen geçirilen duşuşykda taraplaryň ikisine hem gol geçirtmek başartmandy.
