Singapuryň kazinolarynyň birinde bir adam 4 million singapur dollarlyk (2 950 000 amerikan dollaryndan gowrak) lotereýany utan badyna uly şowlulyga ýüregi tap getirip bilmän, tarpa-taýyn aradan çykdy. Bu barada “International Business Times” web saýty habar berdi.
Wakanyň wideolary jemgyýetçilik torlarynda goýuldy. Wideoda köpçüligiň huşundan gidendir öýdülen ýeňijä begenýändigi görkezilýär.
Kazinonyň işgärleri ýeňijini özüne getirjek bolup näçe jan etseler-de, tagallalary netijesiz boldy – ol dünýäsini täzeledi. Maglumatlara görä, ýeňiş zerarly tolgunmadan onuň ýüregi durupdyr. Bu adamyň kimdigi mälim edilmedi.
