Italiýanyň Toskana sebitinde dag eteklerindäki ilatly ýerlerden jaý satyn alanlara 10 000-30 000 ýewro aralygynda pul berler. Şeýle-de bolsa, ýurduň bu sebitindäki gozgalmaýan emlägiň bahasy o diýen elýeterli däl.
Ýurduň köp ýerinde iri şäherlerden uzakdaky obadyr etrapçalaryň ilaty azalýar. Munuň öňüni almak üçin dürli höweslendiriji çäreler geçirilýär. Bu bolsa az ilatly ýerleriň ykdysadyýetiniň peselmegine getirýär. “Daglarda ýaşa 2024” atly maksatnamanyň çäklerinde ýüz tutanlara Toskananyň çet obalaryndan jaý satyn almaklaryna goldaw bermek üçin nagt pul berler. Jaý satyn alynjak obanyň ilatynyň 5 müňden az bolmagy talap edilýär. Şeýle hem beriljek pul emlägi satyn almak we abatlamak üçin tölenjek puluň 50 göteriminden köp bolmaly däl. Maksatnamadan peýdalanmak üçin Italiýanyň ýa-da Ýewropa Bileleşigine agza ýurtlaryň biriniň raýaty bolmak hem talap edilýär. Şeýle hem 10 ýyldan köp bolan ýaşamak üçin ygtyýarnamasy bolan Ýewropa Bileleşigine agza bolmadyk ýurtlaryň raýatlary hem ýüz tutup bilerler. Mundan başga-da ýüz tutjak adam Italiýada ýazgyda durýan bolmalydyr. Emma başga bir dag obasynda ýaşaýanlar bu ýeňillikden peýdalanyp bilmezler.
Golaýda ýurduň Sisiliýa adasyndaky 2-3 gatly öýler 3 ýewrodan satuwa çykarylypdy.
