To­mus pas­ly­nda adam­lar haý­sy­dyr bir şä­he­re gi­dip, dynç al­ma­gy me­ýil­leş­dir­ýär­ler. Gi­dil­me­gi me­ýil­leş­di­ril­ýän şä­her ýer­leş­ýän ýe­ri­ne, myh­man­ha­na hyz­mat­la­ry­na we te­bi­ga­ty­na gö­rä saý­lan­ýar. Esa­san hem, sy­ýa­hat­çy­lar to­mus pas­ly­nyň ys­sy gün­le­ri­ni dynç alyş ke­nar­la­ry bo­lan şä­her­ler­de ge­çir­me­gi go­wy gör­ýär­ler. Kä­bir şä­he­riň bir ke­na­ry­ny de­ňiz ýuw­ýan bol­sa, kä­bir şä­her deň­ziň için­de ýer­leş­ýär. Şeý­le şä­her­le­riň bi­ri hem Ma­ýa­mi Biç­dir.
«Gü­neş­li şta­tyň» gü­nor­ta­sy­na – dynç alyş ke­nar­la­ryň mer­ke­zi Ma­ýa­mi Biç şä­he­ri­ne hoş gel­di­ňiz! Flo­ri­da şta­ty­nyň gü­nor­ta­syn­da­ky ada şä­he­ri ak çä­ge­li owa­dan ke­nar­la­ry bi­len sy­ýa­hat­çy­la­ry özüne çek­ýär. Ma­ýa­mi Biç de­mir­ga­zyk ke­nar­ýa­ka, or­ta ke­nar­ýa­ka we iň meş­hu­ry gü­nor­ta dynç alyş ke­na­ry ýa­ly 3 sa­ny dynç alyş mer­ke­zi­ni özün­de jem­le­ýär. 143 müň in­e­dör­dül ki­lo­metr meý­da­ny tut­ýan Ma­ýa­mi Biç bi­na­gär­lik gur­lu­şy­gy bi­len hem gö­ren­le­ri haý­ran gal­dyr­ýar. Bu şä­her­de de­ňiz ar­hi­tek­tu­ra­sy­nyň owa­dan nus­ga­la­ry­ny gör­mek bol­ýar. «Okean Drive» kö­çe­si­niň ug­run­da­ky res­to­ran­lar­da açyk ho­wa­da na­har­lan­mak, «Wyn­wo­od Walls» sun­gat meý­dan­ça­syn­da aý­lan­mak, «Jung­le Is­land» suw se­ýil­gä­hin­de ga­ýyk­ly ge­ze­lenç et­mek, «Er­kin­lik di­ňi» bi­na­syn­da­ky mu­ze­ýi göz­den ge­çir­mek, ame­ri­kan ýa­zy­jy­sy Er­nest He­ming­ue­ýiň ýa­şan öýü­ne bar­mak sy­ýa­hat­çy­lar­da ýat­dan çyk­ma­jak tä­sir­le­ri gal­dyr­ýar.
1915-nji ýy­lyň 26-njy mar­tyn­da dö­re­di­len Ma­ýa­mi Biç şy­pa­ha­na şä­he­ri hök­mün­de ta­nal­ýar. 1979-njy ýyl­da Ma­ýa­mi Bi­çiň «Art Deco» et­ra­by ta­ry­hy ýer­le­riň mil­li sa­na­wy­na gi­ri­zil­di. La­tyn Ame­ri­ka­sy­nyň we Ka­rib deň­zi ýurt­la­ry­nyň tä­si­ri ne­ti­je­sin­de Ma­ýa­mi Biç­de öz­bo­luş­ly däp-des­sur­lar hem-de me­de­ni­ýet­ler eme­le ge­lip­dir. Ma­ýa­mi Biç­de her ýy­lyň iýun aýyn­da hem­mä­niň sa­byr­syz­lyk bi­len ga­raş­ýan «Art Ba­zel» fes­ti­wa­ly ge­çi­ril­ýär. Me­de­ni­ýet we sun­gat adam­la­ry­nyň iň ge­lim-gi­dim­li ýe­ri­ne öw­rül­ýän fes­ti­wal­da heý­kel­dir kar­ti­na­lar­dan baş­lap, 3 öl­çeg­li sun­ga­ta de­giş­li bir­nä­çe nus­ga­lar köp­çü­li­giň dyk­ga­ty­na hö­dür­len­ýär. Şä­he­riň Bal Har­bo­ur et­ra­by hem sun­ga­tyň we söw­da dü­kan­la­ry­nyň ösen mer­ke­zi ha­sap­lan­ýar.
Gü­neş­li şta­tyň ada şä­he­ri gi­je­si­ne has-da owa­dan gö­rün­ýär. Ma­ýa­mi Bi­çiň ak ke­nar­la­ry­na her ýyl mil­li­on­lar­ça sy­ýa­hat­çy gel­ýär. Ada şä­he­rin­de ösen aş­ha­na hyz­mat­la­ry­ny hö­dür­le­ýän «Mi­şe­lin» ýyl­dyz­ly res­to­ran­la­ryň bir­nä­çe­si bar. Şä­her­de 44 sa­ny se­ýil­gäh, 2 sa­ny golf meý­dan­ça­sy, 2 ten­nis mer­ke­zi, şä­he­riň bir çe­tin­den beý­le­ki çe­ti­ne bar­ýan suw ýo­ly, köp san­ly ho­wuz we buzly meý­dan­ça­la­r bar.
Ma­ýa­mi Biç «Scar­face» (1983 ý.) fil­min­den we «Guş­lar» (1996 ý.) ko­me­di­ýa­syn­dan soň meş­hur şä­her­le­riň bi­ri­ne öw­rül­ýär.

Gyzykly bolup bilerЕЩЕ ОТ АВТОРА