Şu gün EURO 2024-iň 1/8 final duşuşyklaryna badalga berler. Şu gije 2 duşuşyk geçirilip, soňky çempion, şol sanda ýer eýeleri çärýek finalçy bolmak üçin meýdança çykarlar.
Günüň ilkinji duşuşygynda Şweýsariýa bilen Italiýa duşuşar. 21:00-da başlanjak oýun Berlindäki Olympiastadion-da oýnalar we duşuşyga polşaly Şimon Marçiniak eminlik eder. Bu duşuşyk olaryň Ýewropa çempionatyndaky 2-nji duşuşyklary bolup, italýanlar EURO 2020-de toparçalarda 3-0 hasabynda ýeňipdi. Umumylykda 2 topar 62-nji gezek özara duşuşarlar. Öňki 61 oýunda Italiýa 29, Şweýsariýa 8 gezek ýeňiş gazandy. Italýanlar 111 gol geçirse, şweýsarlar 68 goly derwezä girizdi (24 oýun deňme-deň).
00:00-da Dortmunddaky Westfalen stadionynda başlanjak duşuşykda ýer eýeleri Germaniýa bilen Daniýa duşuşar. Oýunda angliýaly Maýkl Oliwer eminlik eder. Iki topar Ýewropa çempionatynyň çäginde mundan ozal 3 gezek duşuşypdy. 1988-nji ýylda toparçalarda Günbatar Germaniýanyň ýygyndysy Daniýany 2-0 ýeňipdi. 1992-nji ýylda Şwesiýada geçirilen çempionatyň finalynda bolsa Daniýa garaşylmadyk ýagdaýda Germaniýany 2-0 hasabynda utup, çempion bolupdy. 2012-nji ýyldaky duşuşykda bolsa (toparçalarda) Germaniýa garşydaşyny 2-1 hasabynda ýeňdi.
Umuman iki topar şu wagta çenli özara 28 duşuşyk geçirip, şolarda nemesler 15, datçanlar 8 gezek ýeňiş gazandy. 5 duşuşykda ýeňiş gazanan bolman, gollarda 55-38 Germaniýa öňde barýar.
