Dalaşgär – 2024: S.A.Nyýazow adyndaky Türkmen oba hojalyk uniwersitetiniň Baýramaly agrosenagat orta hünär okuw mekdebi

S.A.Nyýazow adyndaky Türkmen oba hojalyk uniwersitetiniň Baýramaly agrosenagat orta hünär okuw mekdebi 2024/2025-nji okuw ýyly üçin aşakdaky hünärler boýunça talyplyga kabul edýär:
1. Buhgalterçilik hasaba alnyşy (oba hojalygynda).
2. Ykdysadyýet we meýilnamalaşdyryş (oba hojalygynda).
3. Weterinar lukmançylygy.
4. Ykdysadyýet we sanly maglumat tehnologiýalary.
5. Ykdysadyýet we buhgalterçilik hasaba alnyşy.
6. Maglumat ulgamlary we programmirlemek.
7. Ýer gurluşygy we kadastrlar.
8. Weterinar farmasewtikasy.
9. Azyk önümçiliginiň tehnologiýasy.
10. Dokmaçylyk we ýeňil senagat önümçiliginiň tehnologiýasy.
11.Iş kagyzlarynyň dolanşygyny guramak we arhiw işi.
Baýramaly agrosenagat orta hünär okuw mekdebine Türkmenistanyň umumy orta bilimden pes bolmadyk binýatda bilimi bolan, ýaşy 35-den geçmedik raýatlary giriş synaglary
nyň netijeleri boýunça bäsleşik esasynda kabul edilýär.
Okuwyň möhleti 2 ýyl.
Baýramaly agrosenagat orta hünär okuw mekdebinde okuwlar tölegli esasda alnyp barylýar.
Resmi iş kagyzlary Baýramaly şäherinde 2024-nji ýylyň 15-nji iýuly — 19-njy awgusty aralygynda kabul edilýär.
Resmi iş kagyzlarynyň sanawy:
— bellenilen nusgada direktoryň adyna ýazylan arza;
— bellenilen nusgadaky sowalnama (anketa);
— bilimi baradaky resminama (asyl nusgasy);
— Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;
— soňky okan ýerinden (işlän ýerinden, harby bölümden) häsiýetnama;
— bellenilen nusga boýunça okuw üçin tölegi öz wagtynda amal etmegiň kepil haty;
— 3×4 sm ölçegdäki sekiz sany fotosurat;
— işleýänler üçin zähmet depderçesiniň tassyklanan göçürmesi;
—okuw dersleri boýunça mekdep okuwçylarynyň döwlet bäsleşiginiň ýeňijileri, halkara bäsleşiklerine gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar.
Bulardan başga-da, okuwa girmäge isleg bildirýänler ýokarda görkezilen resminamalar bilen birlikde resminamalary kabul edýän iş toparyna aşakdakylary görkezýärler we nusgalaryny tabşyrýarlar:
— pasportyny;
—harby şahadatnamasyny ýa-da ýazylyş şahadatnamasyny we ýaşaýan ýeri boýunça harby wekillikden güwähatyny.
Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler.
Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär.
Giriş synaglary we okuwa kabul edilmek S.A.Nyýazow adyndaky Türkmen oba hojalyk uniwersitetiniň Baýramaly agrosenagat orta hünär okuw mekdebinde (Baýramaly şäheri) 2024-nji ýylyň awgust aýynyň 22- 23-i, 25-i we 26-sy günlerinde geçirilýär.
Giriş synaglary aşakdaky dersler boýunça geçirilýär:
hünärler: weterinar lukmançylygy; weterinar farmasewtikasy; azyk önümçiliginiň tehnologiýasy — biologiýa, himiýa, Türkmenistanyň taryhy;
hünärler: ykdysadyýet we sanly maglumat tehnologiýalary; maglumat ulgamlary we programmirlemek; ýer gurluşygy we kadastrlar; iş kagyzlarynyň dolanyşygyny guramak we arhiw işi — matematika, fizika, Türkmenistanyň taryhy;
hünärler: buhgalterçilik hasaba alnyşy (oba hojalygynda); ykdysadyýet we meýilnamalaşdyryş (oba hojalygynda); ykdysadyýet we buhgalterçilik hasaba alnyşy — matematika, biologiýa, Türkmenistanyň taryhy;
hünärler: dokmaçylyk we ýeňil senagat önümçiliginiň tehnologiýasy — himiýa, fizika, Türkmenistanyň taryhy.
Okuw dersleri boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär.
Okuw dersleri boýunça giriş synaglary döwlet dilinde dilden geçirilýär.
Giriş synaglarynyň tertibinde bellenilen wagtda synaga esassyz sebäplere görä gelip bilmedikler ýa-da dersleriň biri boýunça synagdan geçip bilmedikler soňky synaglara goýberilmeýär.
Giriş synaglaryndan üstünlikli geçen ýagdaýynda bäsleşiksiz we talyplyga kabul edilmek üçin artykmaç hukukdan:
— soňky 2-3 ýylyň dowamynda ýokary netijeler gazanan we etrap häkimligi tarapyndan degişli hünärlere hödürlenen kärendeçiler we mülkdarlar;
— «Bilim hakynda» Türkmenistanyň Kanunynyň rejelenen görnüşinde kesgitlenen düzgünlere laýyk gelýänler peýdalanýarlar.
S.A.Nyýazow adyndaky Türkmen oba hojalyk uniwersitetiniň Baýramaly agrosenagat orta hünär okuw mekdebiniň salgysy: Mary welaýaty, Baýramaly ş., Talyplar köçesi, 1, tel.: 6-38-19, 6-07-84, 6-38-41.