Botswanada dünýäniň ikinji iň uly göwheri tapyldy. Daş bu ýurtda iş alyp barýan Kanadanyň “Lucara Diamond” kompaniýasyna degişli şahtadan tapyldy. Gymmat bahaly daşyň çykarylan wagty 2 müň 492 karatdygy mälim edildi. 1905-nji ýylda Günorta Afrika Respublikasynda 3 müň 106 karatlyk “Cullinan” atly almaz tapylypdy. Bu daş dokuz bölege kesilipdi. Soňky tapylan göwher Botswananyň paýtagty Gaboroneniň 500 kilometr demirgazygyndaky Karowe magdan käninden tapyldy. Botswananyň hökümeti bu gymmatly daşyň ýurtda tapylan iň uly göwherdigini mälim etdi.
Mundan ozal 2019-njy ýylda şol şahtada 1 müň 758 karatlyk daş tapylypdy. Bu daş fransuz “Louis Vuitton” kompaniýasy tarapyndan mälim edilmedik bahadan satyn alnypdy. 2016-njy ýylda bu ýerden tapylan 1 müň 109 karatlyk almaz 53 million dollara satylypdy.
Botswana dünýäde iň uly göwher öndüriji ýurtlarynyň biri hasaplanýar. Dünýäniň göwher önümçiliginiň bäşden biri bu ýurda degişlidir.
