Germaniýaly ýarymgoragçy Ilkaý Gündogan bir ýyllyk arakesmeden soň öňki klubuna dolandy. “Barselonadan” öz islegi boýunça gaýdan 33 ýaşyndaky asly türk bolan germaniýaly futbolçy “Mançester Siti” bilen erkin agent ýagdaýynda 1 ýyllyk ylalaşyga gol çekişdi. Ilkaý geçen möwsümde “Barselonada” 51 oýunda meýdança çykyp, 5 gol geçiripdi.
2016-2023-nji ýyllar aralygynda 7 möwsüm “Mançester Sitide” oýnan Ilkaý Gündogan: – Bu klubdaky 7 ýyllyk başdangeçirmäm meniň üçin iň şatlykly döwürleriň biridi. Sitiniň janköýerleri bilen ysnyşypdym. Birnäçe taryhy ýeňişler gazanypdym. Bu ýere täzeden dolanmagyň meniň üçin manysy diýseň uludyr. Guardiola sylagym uly, muny hemmeler bilýär. Dünýäniň iň ökde tälimçisi we onuň bilen her gün işleşmek siziň futbolyňyza iňňän uly goşant goşýar. Onuň bilen täzeden işleşmek meni tolgundyrýar, muňa sabyrsyzlyk bilen garaşýaryn – diýip, çykyş etdi.
Gündogan “Sitide” 304 oýunda 60 gol geçirdi. Ol “Sitiden” öň “Borussiýa Dortmundda”, şol sanda “Nürnbergde” hem-de “Bohum II”-de oýnapdy.
