Italiýanyň çempionaty “Serie A”-nyň täze toparlaryndan “Komo” düzümini güýçlendirmegini dowam edýär. 23 ýyldan soň “Serie A”-da çykyş etmäge hukuk gazanan topar “Barselonadan” gaýdan Serži Robertony düzümine goşdy. 32 ýaşyndaky ýarymgoragçy, goragçy italýan kluby bilen 2 ýyllyk şertnama baglaşdy. Roberto katalonlaryň düzüminde 479 oýna gatnaşyp, şolarda 26 gol geçirdi, 46 gezek asist etdi.
Roberto ozalky topardaşy, “Barselonada” bile çykyş eden watandaşy Sesk Fabregasyň tälimçiligindäki “Komo” toparynyň häzirlikçe 16-njy transferi bolup, klub Andrea Belotti, Rafael Waran, Pepe Reina, Alberto Moreno, Alberto Dossena ýaly oýunçylary transfer etdi.
