UEFA Ýewropa Ligasynda täze möwsümine badalga berildi. Oýnalan 9 duşuşygyň 4-sinde ýer eýeleri ýeňiş gazanyp, 3 oýun deňlikde tamamlandy. 2 toparam myhmançylykda ýeňşini baýram etdi.
Ýaryşyň çempionlygynyň faworitleriniň hatarynda görkezilýän “Porto” topary myhmançylykda Norwegiýanyň “Bude-Glimt” toparyndan 3-2 hasabynda asgyn geldi. Duşuşygyň 8-nji minutynda tapawutlanan “Portonyň” ispaniýaly hüjümçisi Samu Omoridion täze möwsümiň ilkinji goluny geçirdi.
Türkiýäniň “Galatasaraý” topary öz meýdançasynda Gresiýanyň çempiony PAOK toparyny 3-1 hasabynda ýeňlişe sezewar etdi. Türk toparynyň gollaryny Baba Rahman (ö.d.), Ýunus Akgün hem-de Ikardi geçirdi.
“Mançester Ýunaýted” öz meýdançasynda “Twente” bilen 1-1 deňme-deň oýnap, ýaryşa ýeňiş bilen başlap bilmedi.
Italiýanyň “Lasio” topary myhmançylykda, ýagny Germaniýanyň Hamburg şäherinde Kiýewiň “Dinamosynyň” derwezesinden jogapsyz 3 gol girizdi. Gollaryň 2-sini täze transfer Bulaýa Dia öz adyna ýazdyrdy.
AZ toparynyň öz meýdançasynda “Elfsborgy” 3-2 ýeňen oýnunda alkmaarlylaryň 2 goluny ozalky meşhur futbolçy Marko Wan Bommeliň ogly Ruben Wan Bommel derwezä girizdi.
Ýewropa Ligasynda galan 9 duşuşyk şu gije oýnalar.
AZ – Elfsborg: 3-2 (Wan Bommel 44, 50, Parrott 74 p – Ouma 23, Hedlunn 53)
Bude-Glimt – Porto: 3-2 (Höh 15, Hauge 40, 62 – Omoridion 8, Gül 90)
Dinamo Kiýew – Lasio: 0-3 (Dia 5, 35, Dele-Başiru 34)
Midtýullann – Hoffenhaým: 1-1 (Osorio 42 – Moerştedt 90)
Galatasaraý – PAOK: 3-1 (Baba Rahman 48 ö.d., Akgün 75, Ikardi 90+5 – Konstantelias 67)
Mançester Ýunaýted – Twente: 1-1 (Eriksen 35 – Limmers 68)
Nissa – Real Sosiedad: 1-1 (Rosario 45 – Barrenetksia 18)
Ludogores Razgrad – Slawiýa Praga: 0-2 (Ýuraşek 37, Çytil 65)
Anderleht – Ferenswaroş: 2-1 (Wershaern 61, Dolberg 66 p – Traore 86)
Şu gijeki duşuşyklar:
21:45 Fenerbahçe – Ýunion Sent-Žilluaz
21:45 Malmö – Reýnjers
00:00 Aýaks – Beşiktaş
00:00 Roma – Atletik Bilbao
00:00 Aýntraht – Wiktoriýa Plzen
00:00 FKSB – RFS
00:00 Lion – Olimpiakos
00:00 Braga – Makkabi Tel Awiw
00:00 Tottenham – Garabag
