UEFA Çempionlar Ligasynda “Mançester Siti” myhmançylykda “Slowan Bratislawany” 4-0 hasabynda utdy. Duşuşykda Ilkaý Gündogan 8-nji, Fil Foden 15-nji minutda tapawutlanyp, 1-nji ýarymda şäherlileri 2-0 öňe saýlady. 2-nji ýarymda-da 58-nji minutda Erling Holann bilen 74-nji minutda MakAti “Sitiniň” uly hasaply ýeňşine goşant goşdular. Holann Çempionlar Ligasyndaky 41-nji duşuşygynda 42-nji goluny geçirdi. Holannyň ornuna meýdança giren MakAti “Mançester Sitiniň” düzümindäki ilkinji goluny öz adyna ýazdyrdy.
Başga bir iňlis kluby “Arsenal” öz meýdançasynda PSŽ toparyny 2-0 hasabynda ýeňlişe sezewar etdi. “Arsenalyň” gollarynyň 1-nji ýarymda 20-nji minutda Kai Hawerts bilen 35-nji minutda Bukaýo Saka geçirdi. PSŽ Angliýada oýnan soňky 4 duşuşygynda-da ýeňlişe sezewar boldy.
Çempionlar Ligasynda PSW bilen “Sporting” topary 1-1 hasabynda deňme-deň oýnady. Ýer eýelerinden Shouteniň 15-nji minutdaky goluna myhmanlar 84-nji minutda Bragansanyň goly bilen jogap berdi.
Başga bir 1-1 hasabynda deňlikde tamamlanan oýunda “Ştutgart” bilen “Sparta Praga” hem utuklary paýlaşdylar (Millo 7 – Kairinen 32).
