Kitap – hazynalar ummany

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da bi­lim eda­ra­la­ry­nyň mad­dy-en­jam­la­ýyn, hu­kuk bin­ýa­dy­ny ber­kit­mek, ylym­ly-bi­lim­li, giň dün­ýä­ga­ra­ýyş­ly, hä­zir­ki za­ma­nyň ösen teh­no­lo­gi­ýa­la­ry­na erk ed­ýän wa­tan­sö­ýü­ji ýaş­la­ry ke­ma­la ge­tir­mek ba­ba­tyn­da nus­ga­lyk iş­ler dur­mu­şa ge­çi­ril­ýär.
Ýaş­la­ryň hä­zir­ki döw­rüň ta­lap­la­ry­na la­ýyk­lyk­da ke­ma­la gel­me­gi ug­run­da edil­ýän ta­gal­la­la­ryň bi­ri hem ola­ryň ylym­ly-bi­lim­li bol­ma­gy­ny ga­zan­mak­dyr. Ylym-bi­lim diý­len­de, ki­tap has öň­dä­ki or­na çyk­ýar. Ýaş­lar­da ki­ta­ba bo­lan söý­gi­ni dö­ret­mek mu­kad­des borç­dur. Ki­tap – ha­zy­na­lar um­ma­ny. Ki­tap – bi­li­miň çeş­me­si. Ki­tap adam­zat dur­mu­şy­nyň deň­siz-taý­syz gym­mat­ly­gy, gaý­ta­lan­ma­jak oý­lap tap­ma­sy­dyr. Bi­ziň ata-ba­ba­la­ry­myz ki­ta­ba aý­ra­tyn hor­mat go­ýup­dyr­lar. Mu­ny bi­ziň nus­ga­wy ede­bi­ýa­ty­my­zyň naý­ba­şy eser­le­ri­niň üs­ti bi­len hem aý­dyň gö­rüp bil­ýä­ris. Ki­ta­ba bo­lan hor­mat di­ňe bir bi­ziň türk­men hal­ky­myz­da bol­man, eý­sem, ol dün­ýä­niň äh­li kün­je­gin­de äh­li halk­lar ta­ra­pyn­dan aý­ra­tyn sar­pa­lan­ýan gym­mat­lyk­la­ryň ha­ta­ry­na gir­ýär. Ki­tap ça­ga­la­ra baş­lan­gyç ter­bi­ýä­ni ber­mek­de hem aý­ra­tyn or­na eýe bo­lup dur­ýar. Bu ba­bat­da er­te­ki­ler, ça­ga­lar üçin goş­gu­lar we sa­na­waç­lar uly is­leg bi­len peý­da­la­nyl­ýar.
Türk­men hal­ky­nyň ki­ta­ba goý­ýan hor­ma­ty öz göz­ba­şy­ny asyr­la­ryň jüm­mü­şin­den alyp gaýd­ýar. Ki­tap­ha­na­lar­da al­nyp ba­ryl­ýan giň ge­rim­li iş­le­riň üs­ti bi­len hal­ky­my­zyň kö­pa­syr­lyk şöh­rat­ly ta­ry­hy, mil­li gym­mat­lyk­la­ry dün­ýä jem­gy­ýet­çi­li­gi­ne ýe­ti­ril­ýär. Ki­tap­ha­na­la­ryň tä­ze sy­ýa­sy, yl­my, çe­per we okuw ki­tap­la­ry, dür­li ne­şir önüm­le­ri bi­len yzy­gi­der­li üp­jün edil­me­gi, ki­tap ne­şir et­mek işi­niň kä­mil­leş­di­ril­me­gi, bu ba­bat­da ýur­du­myz­da her ýyl­da ser­gi-ýar­mar­ka­nyň we yl­my mas­la­ha­tyň ge­çi­ril­me­gi uly äh­mi­ýe­te eýe­dir.
Oka­mak tu­tan­ýer­li­lik we sa­byr ta­lap ed­ýär. Ki­tap oka­ma­gyň um­ma­syz köp peý­da­sy bar. Köp okan adam bi­lim­li bo­lup, dur­muş­da he­mi­şe go­wy ýa­şaý­şa eýe bol­ýar. Ki­tap oka­lan­da di­ňe sa­hy­pa­la­ryn­da ýa­zy­lan se­tir­ler­dä­ki söz­le­ri di­le ge­tir­män, ma­ny­sy­ny, aw­to­ryň ber­jek bol­ýan öwüt-ne­si­ha­ty­ny dü­şün­mä­ge sy­na­nyş­ma­ly we mun­dan ma­ny çy­ka­ryp, özü­ňi go­wy ta­ra­pa çek­me­gi ba­şar­ma­ly.
Hä­zir­ki dö­wür­de äh­li öý­de komp­ýu­ter, te­le­wi­zor, öý­jük­li te­le­fon bar we adam­lar wag­ty­nyň köp bö­le­gi­ni şol zat­la­ra sarp ed­ýär­ler. Ine, şeý­le dö­wür­de ki­tap oka­ma­ga has köp wagt sarp et­me­gi ba­şar­mak ze­rur­dyr. Dog­ry we peý­da­ly ki­ta­by saý­lap al­mak hem ki­tap oka­mak ýa­ly örän wa­jyp­dyr. Esa­san hem, yl­my ki­tap­la­ry oka­ma­ga ym­tyl­ma­ly. Mun­dan baş­ga-da, ýer­li we da­şa­ry ýurt nus­ga­wy ede­bi­ýa­ty oka­mak hem peý­da­ly­dyr. Nus­ga­wy ede­bi­ýat­lar hiç ha­çan kö­nel­me­ýär, ýat­dan çy­ka­ryl­ma­ýar we uzak ýyl­la­ryň do­wa­myn­da adam­lar ta­ra­pyn­dan uly hö­wes bi­len okal­ýar.
Hä­zir­ki dö­wür­de bi­lim-ylym ul­ga­my döw­re­bap ös­dü­ril­ýär. Ça­ga­lar bag­la­ry­nyň ki­tap tek­je­le­rin­dä­ki ýaş aý­ra­tyn­lyk­la­ry­na gö­rä saý­la­nyp goý­lan dür­li reňk­li, özü­ne­çe­ki­ji su­rat­lar bi­len be­ze­len ki­tap­lar­dan baş­lap, or­ta mek­dep­ler­dä­ki we ýo­ka­ry okuw mek­dep­le­rin­dä­ki ki­tap­ha­na­lar ýaş­la­ryň ki­tap oka­ma­ga bo­lan is­le­gi­ni ka­na­gat­lan­dyr­ýar. Elekt­ron ki­tap­ha­na­lar hem giň müm­kin­çi­lik­le­ri dö­red­ýär.
Hä­zir­ki za­man ki­tap­la­ry adam­za­dyň ösü­şin­de uly orun eýe­le­ýär. Ol ýag­şy bi­len ýa­ma­ny saý­gar­ma­ga, göz­ýe­ti­mi gi­ňelt­mä­ge, dün­ýä­ga­raý­şy kä­mil­leş­dir­mä­ge we gö­zel­lik duý­gu­sy­ny ös­dür­mä­ge uly go­şant goş­ýar.

Aý­na Aba­ýe­wa,
Türk­men döw­let me­de­ni­ýet we sun­gat mek­de­bi­niň mu­gal­ly­my.