Gruziýanyň Merkezi saýlaw komissiýasynyň başlygy Georgiý Kalandarişwili 26-njy oktýabrda geçirilen parlament saýlawlarynyň soňky teswirnamasyna gol çekdi. Bu barada ýurduň saýlaw toparynyň web saýty habar berdi.
“Soňky teswirnama düzüldi, şeýlelikde, saýlaw döwri tamamlandy” diýip, Kalandarişwili belledi.
Merkezi saýlaw komissiýasynyň sekretary Georgiý Jawahişwiliniň jemleýji ýygnakda belleýşi ýaly, dolandyryjy “Gruzin arzuwy – Demokratik Gruziýa” partiýasy parlament saýlawlarynda 53,93 göterim ses alyp ýeňiş gazandy. Ol kanun çykaryjy edaradaky 150 orundan 89-syna eýe boldy.
MSK-niň sekretary ähli partiýalaryň alan sesleriniň göterimini hem mälim etdi. “Gruzin arzuwyndan” başga-da dört garşydaş partiýa 5 göterim päsgelçilikden geçdi. “Özgerişlik üçin bileleşik” 11,03 göterim gazandy we 19 orun eýeledi, “Agzybirlik – milli hereket” – 10,17 göterim we 16 orun, “Güýçli Gruziýa” – 8,81 göterim we 14 orun, “Gruziýa üçin Gahariýa” – 7,78 göterim we 12 orun aldy.
Mundan başga-da, Jawahişwiliniň habar berşi ýaly, 3,5 milliondan gowrak saýlawçydan 2,1 milliondan gowrak adam ses berdi. Takmynan, 34,9 müň saýlaw býulleteni güýjüni ýitiren diýlip yglan edildi.
