Gyş üçin C wi­ta­mini ze­rur

Wi­ta­min­leriň ara­syn­da C wi­ta­mi­ni be­de­ni­mi­ziň esa­sy ze­rur­lyk­la­ry­nyň bi­ri hök­mün­de ta­pa­wut­lan­ýar. Im­mu­ni­te­ti güýç­len­dir­ýän, de­ri­niň tä­ze­len­me­gi­ne we ener­gi­ýa­ny ýo­kar­lan­dyr­ma­ga ýar­dam ed­ýän C wi­ta­mi­ni an­ti­ok­si­dant­la­ryň çeş­me­si ha­sap­lan­ýar. Sit­rus mi­we­le­rin­de C wi­ta­mi­niň köp bö­le­gi sak­lan­ýar. Sit­rus mi­we­le­re li­mon, man­da­rin, apel­sin, greýpf­rut, ber­ga­mot, kam­kat de­giş­li bo­lup, esa­san, hoş­boý ysy we na­rynç reň­ki bi­len ta­pa­wut­lan­ýar. Mun­dan baş­ga-da, ýer­tu­da­na, ki­wi, ana­nas ýa­ly mi­we­ler­de, gy­zyl burç, brok­ko­li, po­mi­dor ýa­ly gök önüm­ler­dir ter ot­lar­da hem C wi­ta­mi­ni sak­lan­ýar. Be­den­de C wi­ta­mi­niň ýet­mez­çi­li­gi sag­lyk bi­len bag­ly çyn­la­kaý kyn­çy­lyk­la­ry dö­re­dip bil­ýär. Esa­san hem, ho­wa­nyň so­wuk gün­le­rin­de C wi­ta­mi­ne baý mi­we­le­ri yzy­gi­der­li iý­mek, be­den üçin ge­rek­li muk­dar­da
C wi­ta­mi­ni al­mak ze­rur bo­lup dur­ýar. Ge­liň, C wi­ta­mi­niniň peý­da­ly ta­rap­la­ry bi­len ta­nyş bo­la­lyň!
C wi­ta­mini be­de­ni gurp­lan­dy­ryp, ýo­kanç­lyk­la­ra gar­şy du­ru­jy­ly­gy ýo­kar­lan­dyr­ýar. So­wuk­la­ma, dü­mew ala­mat­la­ry­ny aň­sat­lyk bi­len ýe­ňip geç­mä­ge kö­mek ed­ýär.
Be­den­de de­ri, süňk­ler we bir­leş­di­ri­ji do­ku­ma­lar üçin ze­rur bo­lan kol­la­gen ön­dür­mek­de mö­hüm orun eýe­le­ýär.
C wi­ta­min­dä­ki an­ti­ok­si­dant­lar öý­jük­le­riň za­ýa­lan­ma­gy­nyň öňü­ni alyp, gar­ra­mak ala­mat­la­ry­ny gi­jik­dir­ýär we be­de­ni er­kin ra­di­kal­la­ryň tä­si­rin­den go­ra­ýar.
Be­den­de dem­riň siň­di­ril­me­gi­ni ýo­kar­lan­dy­ryp, ga­naz­lyk how­pu­ny ara­dan aýyr­ýar.
Bi­ler­men­ler ýo­ka­ry gan ba­sy­şy bi­len ýüzbe-ýüz bol­ýan adam­la­ra C wi­ta­mi­nine baý sit­rus mi­we­le­ri yzy­gi­der­li iý­me­gi mas­la­hat ber­ýär­ler. C wi­ta­mi­ni gan da­mar­la­ry­ny gow­şa­dyp, ýo­ka­ry gan ba­sy­şy­nyň tä­si­ri­ni azald­ýar.
C wi­ta­mi­ni ho­les­te­ri­niň de­re­je­si­ni pe­sel­dip, ýü­rek ke­sel­le­rin­den go­ran­ma­ga ýar­dam ed­ýär.
Uzak­ly gü­nüň ýa­daw­ly­gy­ny aýyr­mak­da C wi­ta­mi­niniň tä­si­ri diý­seň ulu­dyr. Ag­şa­my­na, esa­san hem, gyş pas­lyn­da li­mon­ly çaý iç­mek ener­gi­ýa­ny di­kelt­mä­ge we ýa­daw­ly­gy azalt­ma­ga ýar­dam ed­ýär.
C wi­ta­mi­niniň
ýet­mez­çi­lik ala­mat­la­ry
C wi­ta­mi­niniň ýet­mez­çi­li­gi be­de­niň ýe­ter­lik de­re­je­de as­kor­bin tur­şu­sy­ny alyp bil­me­ýän ýag­da­ýy­dyr. Bu ýag­daý im­mu­ni­te­tiň gow­şa­ma­gyn­dan baş­lap, de­rä çen­li köp ba­bat­da ýa­ra­maz tä­sir ed­ýär. C wi­ta­mi­niniň ýet­mez­çi­li­gi adat­ça köp wag­tyň geç­me­gi bi­len ýü­ze çyk­ýar we ala­mat­lar kem-kem­den agyr­la­şyp baş­la­ýar.
C wi­ta­mini ýet­mez­çi­lik eden­de be­den ener­gi­ýa ön­dür­mek­de kyn­çy­lyk çe­kip, ýa­daw­lyk we gow­şak­lyk ala­mat­la­ry ýü­ze çy­kyp baş­la­ýar.
Be­de­niň im­mu­ni­tet ul­ga­my gow­şap, ýo­kan­ç­lyk­lar bi­len gö­reş­mek uky­by pe­sel­ýär. Ne­ti­je­de, ýy­gy-ýy­gy­dan so­wuk­la­ma ýa-da dü­mew­le­me ýa­ly ala­mat­lar ýü­ze çyk­ýar.
C wi­ta­mi­niniň ýet­mez­çi­li­gi de­ri­niň gu­ra­ma­gy­na, çiş­me­gi­ne we kä­bir ýa­ra­la­ryň dö­re­me­gi­ne se­bäp bol­ýar.
As­kor­bin tur­şu­ly­gy ýe­ter­lik de­re­je­de ka­bul edil­me­dik ýag­da­ýyn­da diş etin­de agy­ry­lar dö­räp, diş­le­riň düý­bün­den gan ak­ma ala­mat­la­ry ýü­ze çy­kyp bil­ýär.
C wi­ta­mi­ni ýe­ter­lik bol­ma­dyk adam­lar­da be­de­niň alyş-çal­şy­gy ka­da­ly iş­le­me­ýär. Ne­ti­je­de, hor­lan­mak we iş­dä­ň kesilmek ýa­ly ala­mat­lar ýü­ze çyk­ýar.
Bu wi­ta­mi­ni ge­rek­li de­re­je­de ka­bul et­mez­lik bo­gun­lar­da agy­ry­nyň dö­re­me­gi­ne, ga­naz­lyk ala­mat­la­ry­nyň dö­re­me­gi­ne ge­ti­rip bil­ýär.