Germaniýa Federatiw Respublikasynyň öňki Kansleri Angela Merkeliň “Erkinlik” (Freedom) atly ýatlamalar kitaby çap edilenden soň iki günüň içinde satylyp gutardy. Kitapda GDR-den bolan protestant ruhanynyň gyzy Merkeliň uly syýasata gelşi barada gürrüň berilýär.
Angela Merkeliň ýatlamalar kitaby 30-dan gowrak ýurtda çap edildi. Bu kitap tiz wagtda iň köp satylan kitaba öwrüldi. Berlinde ýüzlerçe adam awtograf almak üçin Berlindäki Dussmann kitap dükanynyň daşyna jemlendiler.
700-den gowrak sahypaly ýatlamalar kitabynyň bahasy 40 ýewro. Kitap Merkeliň syýasy geňeşçisi Beate Baumann bilen bilelikde ýazylypdyr. Kitap köp sanly suratlary, şol sanda öňki Kansleriň çagalyk suratlaryny hem öz içine alýar.
Kansler hökmünde dünýäni aýlanyp çykan Angela Merkel indi syýahatyň täze žanry – edebi syýahaty özleşdirýär. Ol 2-nji dekabrda Waşingtonda ABŞ-nyň öňki Prezidenti Barak Obama bilen bilelikde kitabyny hödürlär.
