“Iteca Exhibitions” halkara sergiler kompaniýasy Türkmenistanyň dokma, trikotaž we tikilen önümlerini öndürijilerini 2025-nji ýylyň 14-16-njy maýy aralygynda Daşkentde geçiriljek 24-nji Halkara “TextileExpo Özbegistan 2025” sergisine gatnaşmaga çagyrýar.
Bu çäre türkmen telekeçilerine we işewürlerine Özbegistan bazaryna çykmaga giň mümkinçilik döreder.
“TextileExpo Özbegistan” – dokma we moda senagaty, lukmançylyk boýunça öňdebaryjy kompanýalary bir ýere jemleýän ýörite sergidir. Bu çäre dokma we ýeňil senagat önümleriniň ösüşlerini, täzeliklerini görkezmäge we täze hyzmatdaşlar tapmaga ýardam berer.
