Ispaniýanyň çempionatynda sanawyň lideri “Barselona” öz meýdançasynda “Leganesden” Serhio Gonsalesiň 4-nji minutda geçiren ýeke-täk goly esasynda asgyn geldi. Bassyr 2-nji gezek öz meýdançasynda utulan katalonlar “Leganesden” ilkinji gezek Barselonada ýeňildi. Myhmançylykda “Raýo Wallekano” bilen duşuşan “Real Madrid” 3-3 hasabynda deňme-deň oýnady. Ýer eýeleri Unaý Lopesiň 4-nji, Muminiň 36-njy minutdaky gollary bilen 2-0 hasabynda öňe saýlandy. Ýöne “Real” 1-nji ýarym tamamlanmanka, Walwerde hem-de Bellingamyň gollary esasynda hasaby deňlemegi başardy. 2-nji ýarymda-da Rodrigonyň goly bilen öňe geçen “Real” topary Palasonyň 64-nji minutdaky goluna çäre tapyp bilmedi. Öňdebaryjylaryň utuk ýitirmegi öz meýdançasynda Hetafeni Sörlotyň ýeke-täk goly bilen ýeňen “Atletiko Madridiň” bähbine boldy. Ähli ýaryşlary hasaba alanyňda, bassyr 11-nji ýeňşini gazanan “Atletiko” 2-nji orna beýgelip, “Real” 3-nji basgançaga düşdi.

Walýadolid – Walensiýa: 1-0 (Anuar 20),

Espanýol – Osasuna: 0-0,

Malýorka – Žirona: 2-1 (Larin 20, 51 – Wan de Beek 7),

Sewilýa – Selta: 1-0 (Bueno 65),

Rayo Wallekano – Real Madrid: 3-3 (Unaý Lopes 4, Mumin 36, Palason 64 – Walwerde 39, Bellingam 45, Rodrigo 56),

Atletiko – Hetafe: 1-0 (Sörlot 69),

Alawes – Atletik: 1-1 (Hordan 67 – Unaý Gomes 10),

Wilýarreal – Betis: 1-2 (Baena 55 – Roke 32, Lo Çelso 47),

Real Sosiedad – Las-Palmas: 0-0,

Barselona – Leganes: 0-1 (Gonsales 4)

Gyzykly bolup bilerЕЩЕ ОТ АВТОРА