Islandiýada Kristrun Frostadottir ýurduň Hökümet Başlygy wezipesine bellenenden soň ýurduň taryhynda ilkinji gezek Prezident we Premýer-ministr ýaly iň ýokary wezipeleri zenan eýeledi. Çepçi-merkezçi sosial-demokratik bileleşigiň 36 ýaşly başlygy ýurduň taryhynda iň ýaş Premýer-ministr boldy.
Geçen aý Skandinawiýa ýurdunda ählumumy saýlawlar geçirdi, Frostadottiriň partiýasy dolandyryjy koalisiýadan öňe geçip, iň uly güýje öwrüldi. Bu partiýa “Galkynyş” we “Halk partiýasy” ýaly beýleki iki partiýa bilen bilelikde koalision dolandyryjy hökümeti döretmäge razylyk bildirdi.
Häzirki dolandyryjy partiýalaryň ählisiniň baştutanlary zenanlardyr. Wezipä bellenen 11 ministrden ýedisi hem zenanlar boldy. Islandiýa 15 ýyl bäri Bütindünýä ykdysady forumynyň gender deňligi boýunça global hasabatynda birinji orny eýeläp gelýär.

Gyzykly bolup bilerЕЩЕ ОТ АВТОРА